उद्यान एक्स्प्रेसमधून तरुणीला ढकलले - वृत्त रिपोर्टर (दादासाहेब येंधे) Vrutta Reporter

बुधवार, ९ ऑगस्ट, २०२३

demo-image

उद्यान एक्स्प्रेसमधून तरुणीला ढकलले

आरोपीस दादर लोहमार्ग पोलिसांनी ठोकल्या बेड्या

दि. ९/८/२०२३

मुंबई, दादासाहेब येंधे : पुण्याहून मुंबईकडे येणाऱ्या उद्यान एक्स्प्रेसमधून प्रवास करणाऱ्या एका महिलेची बॅग चोरून पळून जाताना महिलेला एक्स्प्रेसमधून ढकलून दिल्याची घटना रविवारी रात्री दादर स्थानकात उघडकीस आली. सुदैवाने तरुणी बचावली असून रेल्वे पोलिसांनी मनोज चौधरी (रा. मध्य प्रदेश) याला या प्रकरणी अटक केली आहे.

%E0%A4%A6%E0%A4%BE%E0%A4%A6%E0%A4%B0%20%E0%A4%B2%E0%A5%8B%E0%A4%B9%E0%A4%AE%E0%A4%BE%E0%A4%B0%E0%A5%8D%E0%A4%97%20%E0%A4%AA%E0%A5%8B%E0%A4%B2%E0%A5%80%E0%A4%B8%20%E0%A4%A0%E0%A4%BE%E0%A4%A3%E0%A5%87


रविवारी दुपारी एक तरुणी पुणे रेल्वे स्थानकावरून उद्यान एक्स्प्रेसच्या लेडीज डब्यात बसली. एक्स्प्रेस रविवारी रात्री दादर रेल्वे स्थानकावर आली असता, डब्यातील सर्व महिला उतरल्यानंतर संबंधित तरुणी एकटीच असल्याचे पाहून चोराने तिचा विनयभंग करत तिची बॅग खेचण्याचा प्रयत्न केला, तिने प्रतिकार केल्याने झटापटीत त्याने त्या तरुणीला गाडीतून खाली ढकलून दिले. ती फलाट क्रमांक ६ वर पडली. जखमी अवस्थेत तिला हॉस्पिटलला नेण्यात आले.


तक्रारीनंतर पोलिसांनी सीसीटीव्ही फुटेज तपासत मनोजला सीएसटीएम स्थानकातून ताब्यात घेतले. मनोज हा मूळचा मध्य प्रदेशचा असून तो पुणे येथे खासगी सुरक्षारक्षक म्हणून काम करत होता. पगार न मिळाल्याने त्याने नोकरी सोडली. तो पुन्हा गावी जाणार होता. गावी जाताना लुटमार करण्यासाठी तो डब्यात शिरला होता. सीसीटीव्ही फुटेजच्या साह्याने चोराला पकडण्यात आल्याचे दादर लोहमार्ग पोलीस ठाणेचे वरिष्ठ पोलीस निरीक्षक स्मिता ढाकणे यांनी सांगितले.


111

1111




%E0%A4%AA%E0%A5%8D%E0%A4%B0%E0%A5%87%E0%A4%B8%20%E0%A4%A8%E0%A5%8B%E0%A4%9F%20%E0%A4%B2%E0%A5%8B%E0%A4%B9%E0%A4%AE%E0%A4%BE%E0%A4%B0%E0%A5%8D%E0%A4%97%20%E0%A4%AA%E0%A5%8B%E0%A4%B2%E0%A5%80%E0%A4%B8%202

प्रेस नोट

कोणत्याही टिप्पण्‍या नाहीत:

टिप्पणी पोस्ट करा

Post Bottom Ad

पेज

संपर्क फॉर्म

नाव

ईमेल *

मेसेज *