दि. २५/९/२०२३
हाताळली परिस्थिती
मुंबई, दादासाहेब येंधे : सध्या गणेशोत्सव मोठ्या थाटामाटात सुरू आहे. लालबाग येथील गणपतींचे दर्शन घेण्यासाठी रोज गर्दी वाढत आहे. प्रसंगी चिंचपोकळी व्यतिरिक्त कल्याण, ठाणे, विरार, कुर्ला, सायन, घाटकोपर, पूर्व उपनगरे आदी ठिकाणांहून तरुणवर्ग मोठया प्रमाणावर ट्रेनने चिंचपोकळी येथे येत असल्यामुळे चिंचपोकळी स्थानकावर अलोट गर्दी होत आहे.
रोज दुपारपासूनच ट्रेन खचाखच भरून येत आहेत. सदर स्थानकावर कुठलाही अनुचित प्रकार घडू नये म्हणून दादर लोहमार्ग पोलीस ठाणेच्या वरिष्ठ पोलीस निरीक्षक स्मिता ढाकणे तसेच त्यांचे सहकारी, अंमलदार यांनी चिंचपोकळी स्थानकावर येणाऱ्या जाणाऱ्या प्रवाशांमध्ये धक्काबुक्की सारखे प्रकार घडू नये व गर्दी दोन्ही बाजूला विभागली जावी म्हणून स्थानकावर मोठी भली मोठी दोरी बांधून प्रवाशांना विभागले होते.
तसेच अर्धी गर्दी मागील बाजूला विभागण्यात आल्यामुळे सदर स्थानकावर गर्दी होत नव्हती. आरपीएफ जवानांची देखील त्यांना मदत लाभली. दादर लोहमार्ग पोलिसांनी केलेल्या योग्य नियोजनामुळेच चिंचपोकळी स्थानकावर कोणताही अनुचित प्रकार घडला नाही.
कोणत्याही टिप्पण्‍या नाहीत:
टिप्पणी पोस्ट करा