आपत्कालीन
प्रसंगी मदत कार्यासाठी तत्पर असणाऱया बृहन्मुंबई महानगरपालिकेच्या २ चमू ह्या
अनुक्रमे रायगड व कोल्हापूरच्या दिशेने रवाना
मुंबई महानगरपालिकेचा एक चमू रायगड जिल्ह्यातील महाड येथे मदत कार्य करण्यास रवाना झाला आहे. यामध्ये दोन वैद्यकीय चमू, १ फिरती वैद्यकीय प्रयोगशाळा, घन कचरा व्यवस्थापन खात्यातील सुमारे ७५ कर्मचारी, पाण्याचे ४ टँकर, १ टोइंग लॉरी इत्यादींचा समावेश आहे. याबाबत वैद्यकीय विषयक बाबींचे व्यवस्थापन हे बृहन्मुंबई महानगरपालिकेच्या लोकमान्य टिळक सर्वोपचार रुग्णालयाच्या अधिष्ठाता डॉ.मोहन जोशी हे करीत आहेत. तर आपत्कालीन व्यवस्थापन विषयक कार्यवाही ही बृहन्मुंबई महानगरपालिकेच्या आपत्कालीन व्यवस्थापन कक्षाचे संचालक श्री. महेश नार्वेकर करीत आहेत.
कोल्हापूर येथील पूर बाधित परिसरातील पर्जन्य जलवाहिन्या आणि मलनिस्सारण वाहिन्यांविषयी आवश्यक ती कार्यवाही करण्याच्या दृष्टीने बृहन्मुंबई महानगरपालिकेची आणखी एक चमू आज कोल्हापूरकडे रवाना झाला आहे. कोल्हापूरच्या दिशेने प्रस्थान केलेल्या संबंधित कर्मचाऱ्यांच्या चमुसोबत 'रिसायकल मशीन' आणि इतर आवश्यक यंत्रसामग्री देखील पाठविण्यात आली आहे.महापालिकेची यंत्रणा वापरत असताना यासाठी घनकचरा व्यवस्थापन विभागाचे उप मुख्य अभियंता श्री.सुनील सरदार यांचीही मदत घेण्यात येत आहे.
रत्नागिरी जिल्हाधिकारी यांनी केलेल्या विनंतीनुसार, चिपळूण शहरातील पूरस्थिती पश्चात मदत कार्यासाठी बृहन्मुंबई महानगरपालिकेच्या वतीने दोन ट्रक माऊंटेड सक्शन मशीन आणि ५० स्वच्छता कामगार आवश्यक त्या साधनांसह चिपळूण येथे रवाना झाले आहेत.
(जसंवि/२४५)
कोणत्याही टिप्पण्‍या नाहीत:
टिप्पणी पोस्ट करा