माहीम समुद्रकिनारी आढळला १० फूट लांबीचा अजगर

दादा येंधे जुलै २६, २०२१

मुंबई, दादासाहेब येंधे : माहीमच्या समुद्रकिनारी रविवारी दर्ग्याच्या मागील भागात एक दहा फूट लांबीचा अजगर आढळून आला. अजगर दिसताच स्थानिक काही कोळी बांधवांनी मोठया धैर्याने त्याला पकडून एक गोणीत भरले आणि सर्पमित्रांशी संपर्क साधला. सततच्या पावसामुळे आणि भरतीमुळे अजगर भरकटत आला असावा, असा अंदाज वापरा या सर्पमित्रांच्या संस्थेने व्यक्त केला. गेल्या सात ते आठ महिन्यांपासून हा सातवा अजगर पकडल्याची माहिती सर्पमित्र अतुल कांबळी यांनी दिली. हा अजगर पकडून वनविभागाच्या ताब्यात दिला आहे.

व्हिडिओ

साप video

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.