मुंबई, दि. १५ : विशाखापट्टणम येथून मुंबईला येणारे लहान आकाराचे विमान गुरुवारी सायंकाळी छत्रपती शिवाजी महाराज आंतरराष्ट्रीय विमानतळाच्या धावपट्टीवरून घसरून फेकले गेले. त्यामध्ये विमानाचे दोन तुकडे होऊन पाच प्रवाशांसह आठ जण जखमी झाले आहेत.
व्हीटी-डीबीएल या नावे नोंदणी असलेले लियरजेट या अमेरिकी कंपनीचे हे विमान दिलीप बिल्डकॉन या भोपाळच्या कंपनीच्या मालकीचे होते. विशाखापट्टणम येथून मुंबईच्या विमानतळावर उतरत असताना विमानाचा वेग होण्याऐवजी ते घसरत जाऊन बाहेर फेकले गेले. त्यामध्ये पाच प्रवासी एक विमान कर्मचारी आणि दोन वैमानिक होते. अपघातात विमानातील सर्व आठजण जखमी झाले आहेत. त्यांना अंधेरीच्या क्रिटी केअर रुग्णालयात हलविण्यात आले आहे.
कोणत्याही टिप्पण्‍या नाहीत:
टिप्पणी पोस्ट करा