१०० कोटींचे अंमली पदार्थ बाजारात येण्याआधीच जप्त

दादा येंधे ऑक्टोबर १७, २०२३

मुंबई, दि. १७ : बंद पडलेला कारखाना भाडेतत्त्वावर घेत त्यात एमडी ड्रग्ज तयार करून त्याची विक्री करणाऱ्या सोलापूर मधील दोघा भावंडांना अटक करून मुंबई पोलिसांच्या गुन्हे शाखेने तब्बल १०० कोटींचे ड्रग्ज बाजारात येण्याआधीच जप्त केले आहे.

गुन्हे शाखेच्या कक्ष-९ चे पोलीस निरीक्षक दया नायक यांच्या पथकाने ही कामगिरी केली. या कारवाईत राहुल गवळी आणि अतुल गवळी या दोघा भावांकडून १६ कोटींचे तयार आठ किलो एमडी ड्रग्ज आणि १०० कोटींचा ड्रग्ज बनवण्यासाठीचा कच्चामाल जप्त करून कारखाना सीलबंद केला आहे.

खारदांडा परिसरात हे दोघे ड्रग्ज विक्रीसाठी येणार असल्याचे समजताच नायक यांच्या पथकाने शनिवारी सापळा रचून त्यांच्याकडून ११.७८ कोटींचे ५.०८९ किलो वजनाचे एमडी ड्रग्ज जप्त केले. सोलापूर मधील कारखान्यात ड्रग्ज बनवून ते विक्रीसाठी आणल्याची कबुली त्यांनी दिली. लगेचच राहुल आणि अतुल यांना सोबत घेऊन पोलिसांनी सोलापूर गाठले. मोहोळ, चिंचोली, एमआयडीसी येथील कारखान्यात छापा टाकत सहा कोटी एक लाख २० हजार रुपये किमतीचे ३.००६ किलो तयार एमडी आणि एमडी बनवण्यासाठी लागणारा तब्बल १०० कोटी रुपये किमतीचा ५० ते ६० किलो कच्चामाल जप्त केला.

2221

क्राईम

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.

टिप्पणी पोस्ट करा

0 टिप्पण्या

'वृत्त रिपोर्टर' जनसामान्यांच्या हितासाठी, शोषित, पीडित, वंचित समाज घटकांवर होणारा अन्याय -अत्याचार प्रकरणी वाचा फोडण्याचे काम करेल. गुन्हेगारीविषयक बातम्यांच्या माध्यमातून जनतेने सावध राहावे, सतर्क राहावे आणि योग्य तो सकारात्मक बोध घ्यावा असा मुख्य उद्देश आहे. गुन्हेगारी संपविण्यासाठी कायदा व सुव्यवस्था योग्य राखण्यासाठी वेळोवेळी पोलिसांना सहकार्य करण्याचे आवाहन आपणास या माध्यमातून करण्यात येत आहे.

हातातला मोबाईल हा संपर्कासाठी आणि मोबाईलमधील समाजमाध्यमे माहितीची देवाणघेवाण करण्यासाठी, विधायक गोष्टींसाठी असतात, हे भान हरवलेल्या रीलबहाद्दरांमुळे बऱ्याचदा बाका प्रसंग उद्भवण्याची शक्यता असते. # अनेकजण रिल्सचा वापर आपल्या वैयक्तीक स्वार्थासाठी करतात, हे प्रत्येकाने लक्षात घ्यावे. # रीलमध्ये केलेल्या प्रत्येक पोस्ट खऱ्या असतीलच अशा नाही, त्यामुळे त्याची शहानिशा केल्याशिवाय शेअर फॉरवर्ड किंवा लाईक करू नका. # काही क्षणातच या रील हजारो नागरिकांपर्यंत पोहचत असल्यामुळे अफवा पसरण्याची भीती असल्याने लाईक आणि शेअर करताना विशेष काळजी घ्यावी.

Ticker