पोलिसांनी अवघ्या २ तासांत केली अटक
मुंबई, दादासाहेब येंधे : मुंबईतील वांद्रे परिसरात एका ज्येष्ठ महिलेला तिच्याच घरात बांधून निर्घुणपणे हत्या केल्याचा धक्कादायक प्रकार उघडकीस आला. रेखा खोंडे असे या मृत ज्येष्ठ महिलेचे नाव असून मुंबई पोलिस नियंत्रण कक्षाला याबाबत आज सकाळीच शेजाऱ्यांकडून माहिती मिळाली होती. त्यानंतर, पोलिसांनी अवघ्या २ तासांत आरोपीच्या मुसक्या आवळल्या असून चोरीच्या उद्देशाने शेजारीच राहणाऱ्या युवकाने महिलेचा गळा चिरुन खून केल्याची प्राथमिक तपासातून समोर आलं आहे.
महिलेच्या हत्येसंदर्भात माहिती मिळाल्यानंतर वांद्रे पोलिस रिक्लेमेशन डेपो कांचन बिल्डिंग येथे पोहोचले. मारेकऱ्यांनी रेखा खोंडे यांचे हात बांधून त्यांच्या गळ्यावर धारदार शस्त्राने वार करून त्याची हत्या केल्याचे प्रथमदर्शनी दिसून आले आहे. दरम्यान, पोलिसांनी रेखा यांचा मृतदेह शवविच्छेदनासाठी भाभा रुग्णालयात पाठवला आहे. तसेच, या प्रकरणी वांद्रे पोलिसात हत्येचा गुन्हा देखील दाखल केला होता. महिलेला बांधून तिच्या गळ्यावर धारदार शस्त्राने वार करून क्रूर पद्धतीने तिला मारण्यात आले. दरम्यान, पोलिसांनी वेगाने तपासाची चक्रे फिरवून आरोपीला अटक केली आहे. पोलिसांनी अवघ्या २ तासात वृद्ध महिलेच्या मारेकरी आरोपीच्या मुसक्या आवळल्या आहेत. पोलिसांनी परिसरातील सीसीटीव्ही फुटेज आणि तांत्रिक माहितीच्या आधारे वांद्रे आरोपीला ताब्यात घेतले होते. शहरीफ अली समशेर शेख (२७ वर्षे) असे अटक आरोपीचे नाव असून तीन दिवसापूर्वी चोरीच्या उद्देशाने महिलेच्या घरात घुसून त्याने हात बांधून वृद्ध महिलेचा गळा कापल्याचे पोलीस तपासातून समोर आले आहे.
आरोपीने चोरी करून घराचा दरवाजा बंद केला अन् तो परिसरातून फरार झाला होता. मात्र, तीन दिवसानंतर आज बंद घरातून दुर्गंधी येऊ लागल्याने शेजाऱ्यांनी पोलिसांना याबाबत माहिती दिली. घटनेची माहिती मिळताच अवघ्या २ तासात आरोपीला ताब्यात घेऊन चोरी गेलेला मुद्देमाल देखील वांद्रे पोलिसांनी हस्तगत केला आहे. विशेष म्हणजे अटक आरोपी हा शेजारी राहणारा असून चोरीच्या उद्देशाने त्याने महिलाची केल्याचे प्राथमिक तपासातून उघड झाले आहे.
सदर गुन्हयाचा तपास अधिकराव पोळ, सहा. पोलीस आयुक्त, वांद्रे विभाग, मुंबई यांनी केलेल्या मार्गदर्शनाखाली वांद्रे पोलीस ठाणेचे वरिष्ठ पोलीस निरीक्षक, श्री.संजय मराठे, पोलीस निरीक्षक बालाजी भांगे तसेच वांद्रे पोलीस ठाणे येथील गुन्हे प्रकटीकरण पथकाचे अधिकारी सपोनि विजय आचरेकर, सपोनि बजरंग जगताप व पथक तसेच सांताक्रुझ पोलीस ठाण्याचे सपोनि तुषार सावंत व पथक, आंबोली पोलीस ठाण्याचे पोउनि फुंदे व पथक यांनी कौशल्यपुर्ण गुन्हयातील आरोपीचा शोध घेवून आरोपीस गुन्हा दाखल झाल्यानंतर २ तासांच्या आत अटक करून सदरची कामगिरी पार पाडली आहे.
कोणत्याही टिप्पण्‍या नाहीत:
टिप्पणी पोस्ट करा