मुंबई, दादासाहेब येंधे : चिंचपोकळी (पू) येथील कल्पतरू समूहातर्फे नुकत्याच पार पडलेल्या ३१ व्या रक्तदान शिबिरात १५० रक्तदात्यांनी रक्तदान करून भरघोस प्रातिसाद दिला. या कार्यक्रमास स्थानिक शिवसेना नगरसेवक श्री. रमाकांत रहाटे यांनी उपस्थिती लावून मंडळाची शिस्त व रक्तदान शिबिराचे सातत्य याविषयी तोंडभरून कौतुक केले.
३१ वर्षे रक्तदान शिबिर राबवून सातत्य राखल्याबद्दल समूहाला संबोधताना रंगारी बदक चाळ सार्वजनिक गणेशोत्सव मंडळाचे अध्यक्ष श्री. भाई मयेकर यांनी मंडळाला संबोधताना म्हटले की, या विभागातील इतर सर्व मंडळे कल्पतरू समूहाच्या समाजसेवेचा आदर्श घेत आहेत, ही मोठी कौतुकाची गोष्ट आहे.
सदर रक्तदान शिबिरास नायर रुग्णालयाचे समाजविकास अधिकारी रविशंकर डोके, पवार, भाजपा नेते रोहिदास लोखंडे, महावीर इंटरनॅशनल, मुंबई चे अध्यक्ष श्री. पारसमल गोलेचा तसेच विविध सामाजिक संस्था यांनी हजेरी लावली. सदर रक्तदान शिबिर यशस्वी होण्यासाठी विठ्ठल पै, शेखर साळसकर, शिवाजी पाटील, सुजित, महेश नानचे, स्वप्नील, सुनिकेत, शुभम स्वार, वैष्णवी, समृद्धी, मल्हार, तन्वी येंधे, अमेय परब, श्री. बाळा परब, विकास सक्रे, संजीव केरकर, चारुदत्त लाड, श्री. शिवणेकर, संतोष रायकर, अथर्व, नंदू साळसकर, आदित्य देसाई, संकल्प नलावडे, विनायक येंधे आदी कार्यकर्त्यांनी मेहनत घेतली.
0 टिप्पण्या