मुंबई, दि. २७ : आंतरराष्ट्रीय अमली पदार्थतस्कर कैलास राजपूत याचा भाऊ कमल राजपूतला मुंबई गुन्हे शाखेच्या पथकाने आठ कोटींच्या तस्करी प्रकरणात मंगळवारी अटक केली. मात्र, कैलास हा परार असून त्याच्यापर्यंत पोहोचण्यासाठी कमलची अटक महत्त्वाची ठरणार आहे.
गुन्हे शाखेच्या खंडणी विरोधी पथकाने १५ मार्चला अंधेरी परिसरात छापा टाकून १५ किलो ७४० ग्रॅम कॅटामिन व २३ हजाराहून अधिक वायग्राची पाकिटे जप्त केली होती. केटामाईनची आमची किंमत सात कोटी ८७ लाख रुपये तर वायग्राची किंमत ५८ लाख रुपये होती. या प्रकरणात आधी सात जणांना अटक केल्यानंतर या टोळीचा मोहोरक्या कैलास राजपूतसह आणखी तिघांवर लुकआऊट नोटीस जारी करण्यात आली होती. या तस्करीत कैलासचा भाऊ कमलचा देखील सहभाग असल्याचे समोर आले होते.
कोणत्याही टिप्पण्‍या नाहीत:
टिप्पणी पोस्ट करा