गुटख्याची तस्करी पोलिसांनी रोखली

दादा येंधे ऑक्टोबर १३, २०२५

मुंबई, दि. १३ : मुंबई पोलिसांनी गुटखा तस्करांवर मोठी कारवाई केली आहे. घाटकोपर येथील पूर्व द्रुतगती महामार्गावर गुटख्याने भरलेला एक ट्रक पोलिसांनी जप्त केला आहे. या कारवाईत चौदा लाख रुपयांचा गुटखा जप्त करण्यात आला आहे.

गुन्हे शाखेच्या युनिट-६ च्या पथकाला गुप्त माहिती मिळाली होती की, मुंबईबाहेरून एका ट्रकमधून मोठ्या प्रमाणात गुटखा आणला जात आहे. माहितीच्या अनुषंगाने, प्रभारी पोलिस निरीक्षक भरत घोणे यांच्या मार्गदर्शनाखाली पथकाने ताबडतोब सापळा रचला. त्यांनी घाटकोपर येथे हा संशयित ट्रक अडवला.

ट्रकाची तपासणी केली असता, त्यात गुटख्याच्या ११५ गोण्या लपवून ठेवलेल्या आढळून आल्या. या जप्त केलेल्या गुटख्याची किंमत सुमारे चौदा लाख रुपये आहे. पोलिसांनी मोहम्मद फिरोजमा शेख, फैजान नसीम अन्सारी आणि नवाज मेहंदी अन्सारी या तिघांना ताब्यात घेतले आहे. त्यांच्याकडून गुटख्यासोबतच तीन मोबाइल फोन, रोख रक्कम आणि तस्करीसाठी वापरलेला ट्रकही जप्त केला आहे.

क्राईम

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.

टिप्पणी पोस्ट करा

0 टिप्पण्या

'वृत्त रिपोर्टर' जनसामान्यांच्या हितासाठी, शोषित, पीडित, वंचित समाज घटकांवर होणारा अन्याय -अत्याचार प्रकरणी वाचा फोडण्याचे काम करेल. गुन्हेगारीविषयक बातम्यांच्या माध्यमातून जनतेने सावध राहावे, सतर्क राहावे आणि योग्य तो सकारात्मक बोध घ्यावा असा मुख्य उद्देश आहे. गुन्हेगारी संपविण्यासाठी कायदा व सुव्यवस्था योग्य राखण्यासाठी वेळोवेळी पोलिसांना सहकार्य करण्याचे आवाहन आपणास या माध्यमातून करण्यात येत आहे.

हातातला मोबाईल हा संपर्कासाठी आणि मोबाईलमधील समाजमाध्यमे माहितीची देवाणघेवाण करण्यासाठी, विधायक गोष्टींसाठी असतात, हे भान हरवलेल्या रीलबहाद्दरांमुळे बऱ्याचदा बाका प्रसंग उद्भवण्याची शक्यता असते. # अनेकजण रिल्सचा वापर आपल्या वैयक्तीक स्वार्थासाठी करतात, हे प्रत्येकाने लक्षात घ्यावे. # रीलमध्ये केलेल्या प्रत्येक पोस्ट खऱ्या असतीलच अशा नाही, त्यामुळे त्याची शहानिशा केल्याशिवाय शेअर फॉरवर्ड किंवा लाईक करू नका. # काही क्षणातच या रील हजारो नागरिकांपर्यंत पोहचत असल्यामुळे अफवा पसरण्याची भीती असल्याने लाईक आणि शेअर करताना विशेष काळजी घ्यावी.

Ticker