मुंबई : मुंबई वगळता राज्यात इतरत्र गरबा खेळण्याची राज्य सरकारने परवानगी दिली आहे. मात्र, गरबा खेळताना करोनाचे नियमांचे काटेकोरपणे पालन करावे लागणार असल्याचे आरोग्य मंत्री राजेश टोपे यांनी शुक्रवारी काही पत्रकारांशी बोलताना सांगितले. याबाबतची अधिकृत घोषणा लवकरच होईल असेही त्यांनी सांगितले.
मुंबई वगळता राज्यभरात गरबा खेळण्यासाठी सांस्कृतिक कार्य मंत्रालयाची मान्यता आहे. खुल्या मैदानात आणि बंदिस्त सभागृहांमध्ये गरबा खेळला जातो. गरबा खेळताना सुरक्षित वावराचा नियम तसेच मास्कचा वापर करावा लागणार आहे. तसेच सभागृहात गरबा खेळताना सभागृहाच्या क्षमतेपेक्षा पन्नास टक्के लोक असतील याची दक्षता घ्यावी लागणार आहे. या बरोबरच गरबा खेळताना कोरोना संदर्भातील सर्व नियमांचे काटेकोरपणे पालन करावे लागेल, असे आरोग्य मंत्री राजेश टोपे यांनी आवर्जून सांगितले.
0 टिप्पण्या