काळाचौकी पोलीस ठाण्याच्या हद्दीतील २५ वर्षांपासून फरार आरोपीस केले जेरबंद
मुंबई ( दादासाहेब येंधे): काळाचौकी पोलीसांनी तब्बल २५ वर्षांपासुन पोलीसांना हुलकावणी देत फरार असलेल्या आरोपीला अखेर साताऱ्यातुन अटक करण्यास मोठे यश मिळवले आहे. काळाचौकी पोलीस ठाणे येथे गु. र. क्र. १६/१९९२, अंतर्गत भादवि. कलम. ३२५, ५०४, ११४ प्रमाणे दाखल असलेल्या प्रकरणातील आरोपी "विलास गणपत घोरपडे", हा गुन्हा नोंद झाल्यानतंर सातत्याने पोलीसांची नजर चुकवून फरार होता. या प्रकरणात माझगावच्या मान. प्रथमवर्ग, न्यायदंडाधिकारी यांनी त्याच्याविरुध्द स्थायी अटक वॉरंट जारी केले होते.
परिमंडळ-०४ अंतर्गत सुरु असलेल्या फरार आरोपींच्या विशेष शोधमोहिमे दरम्यान घोरपडे, सातारा जिल्हयातील एका भाड्याच्या घरात राहत असल्याची विश्वसनीय माहिती पोलीसांना मिळाली. त्यानुसार १८ नोव्हेंबर २०२५ रोजी रात्री काळाचौकी पोलीस ठाण्याचे पोलीस पथक साताऱ्यात रवाना झाले. अचुक माहितीच्या आधारे माहिती घेऊन ताबडतोब त्याला अटक करण्यात आली. त्यानतंर कायदेशीर प्रकीयेनुसार आरोपीला न्यायालयासमोर हजर करण्यात आले. सदरची यशस्वी कारवाई मान. पोलीस आयुक्त. श्री. देवेन भारती, मान. पोलीस सह आयुक्त, श्री. सत्यनारायण चौधरी, मान, अप्पर पोलीस आयुक्त श्री. विक्रम देशमाने परिमंडळ-४ चे पोलीस उपायुक्त श्रीमती. रागसधा आर., सहाय्यक पोलीस आयुक्त ( भोईवाडा विभाग) श्री. घन: शाम पलंगे आणि वरिष्ठ पोलीस निरीक्षक श्री. विजयकुमार शिंदे, या मार्गदर्शनाखाली राबविण्यात आली. या मोहिमेत पोलीस निरीक्षक (गुन्हे) जगदीश शेलकर, सपोनि. चेतन मराठे, पोउपनिरी. संदेश तसेच पोलीस शिपाई, ओंकार कंक यांनी विशेष परिश्रम घेत कारवाई यशस्वीरीत्या पार पाडली.
0 टिप्पण्या