मुंबईत शांतता... बाजार मात्र ओस

दादा येंधे डिसेंबर ०९, २०२०

सरकारी कार्यालयांत कमी गर्दी

मुंबई, दादासाहेब येंधे : केंद्र सरकारच्या कृषी कायद्यांच्या विरोधातील भारत बंदला मुंबईत संमिश्र प्रतिसाद लाभला. या बंदला राज्यात शिवसेना, काँगेस, राष्ट्रवादी काँग्रेसने पाठिंबा दिल्यामुळे मुंबईत याचे नेमके काय पडसाद उमटणार याकडे सर्वांचे डोळे लागले होते. पण, मुंबईत शांततेत बंद पार पडला. मुंबईतील लालबाग, परळ, दादर, प्रभादेवी, काळाचौकी, वरळी, शिवडी, अंधेरी, विलेपार्ले, कुर्ला आदी भागांत कडकडीत बंद पाळण्यात आला. शहरातील आणि उपनगरातील बाजारपेठा, फळबाजार, फुल बाजार काही प्रमाणात बंद होते. मात्र, मुंबई लोकलसेवा, बेस्ट बस, टॅक्सी, रिक्षा आदी सेवा सुरळीत होत्या.

मुंबईत सरकारी कामानिमित्त येणाऱ्यांची वर्दळ नव्हती. त्यामुळे अनेक कार्यालयांत शुकशुकाट होता. लोकल सेवा सुरू ठेवण्याकरिता रेल्वे पोलीस, रेल्वे सुरक्षा बलाने कडेकोट बंदोबस्त ठेवला होता.

बोरिवली येथील कडकडीत बंद

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.

टिप्पणी पोस्ट करा

0 टिप्पण्या

'वृत्त रिपोर्टर' जनसामान्यांच्या हितासाठी, शोषित, पीडित, वंचित समाज घटकांवर होणारा अन्याय -अत्याचार प्रकरणी वाचा फोडण्याचे काम करेल. गुन्हेगारीविषयक बातम्यांच्या माध्यमातून जनतेने सावध राहावे, सतर्क राहावे आणि योग्य तो सकारात्मक बोध घ्यावा असा मुख्य उद्देश आहे. गुन्हेगारी संपविण्यासाठी कायदा व सुव्यवस्था योग्य राखण्यासाठी वेळोवेळी पोलिसांना सहकार्य करण्याचे आवाहन आपणास या माध्यमातून करण्यात येत आहे.

हातातला मोबाईल हा संपर्कासाठी आणि मोबाईलमधील समाजमाध्यमे माहितीची देवाणघेवाण करण्यासाठी, विधायक गोष्टींसाठी असतात, हे भान हरवलेल्या रीलबहाद्दरांमुळे बऱ्याचदा बाका प्रसंग उद्भवण्याची शक्यता असते. # अनेकजण रिल्सचा वापर आपल्या वैयक्तीक स्वार्थासाठी करतात, हे प्रत्येकाने लक्षात घ्यावे. # रीलमध्ये केलेल्या प्रत्येक पोस्ट खऱ्या असतीलच अशा नाही, त्यामुळे त्याची शहानिशा केल्याशिवाय शेअर फॉरवर्ड किंवा लाईक करू नका. # काही क्षणातच या रील हजारो नागरिकांपर्यंत पोहचत असल्यामुळे अफवा पसरण्याची भीती असल्याने लाईक आणि शेअर करताना विशेष काळजी घ्यावी.

Ticker