सरकारी कर्मचाऱ्यांनो कार्यालयात 'ड्रेस- कोड'

दादा येंधे डिसेंबर १२, २०२०

मुंबई, दादासाहेब येंधे : मंत्रालयासह सर्व शासकीय कार्यालयातील कर्मचाऱ्यांसाठी आता ड्रेस कोड ठरवून देण्यात आला आहे. यानुसार जीन्स अथवा टी-शर्ट घालणे निषिद्ध असेल. पायात स्लीपरही वापरता येणार नाही. तसेच आठवड्यातून एकदा शुक्रवारी खादीचे कपडे वापरण्यात यावेत असा आदेश काढण्यात आला आहे.

कायम स्वरूपी अधिकारी-कर्मचारी, कंत्राटी अधिकारी-कर्मचारी आणि सल्लागारांसाठी या मार्गदर्शक सूचना सरकारने जाहीर केल्या आहेत. राज्य शासनाचे प्रतिनीधी म्हणून राज्य शासकीय कार्यालयातील सर्व अधिकारी, कर्मचाऱ्यांची वेशभूषा हे त्यांच्या व्यक्तिमत्त्वाचे महत्त्वाचे अंग ठरते. संबंधितांच्या वेशभूषेवरूनच ते कार्यरत असलेल्या आस्थापनेची छाप पडते. यामुळे आपली वेशभूषा ही शासकीय कार्यालयास किमान अनुरूप ठरेल याची काळजी सर्वांनी घेणे आवश्यक आहे. असे स्पष्ट करत सामान्य प्रशासन विभागाने ड्रेस कोडबाबत मार्गदर्शक सूचना जारी केल्या आहेत.

महिला : साडी, सलवार, चुडीदार-कुर्ता, ट्राउजर व त्यावर कुर्ता अथवा शर्ट. आवश्यक असल्यास दुपट्टा.

पुरुष : शर्ट-पॅन्ट, ट्राउजर आवश्यक, गडद रंगाचे, नक्षीकाम -चित्रे असलेले पेहराव नकोत. जीन्स-टी शर्ट अमान्य.

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.

टिप्पणी पोस्ट करा

0 टिप्पण्या

'वृत्त रिपोर्टर' जनसामान्यांच्या हितासाठी, शोषित, पीडित, वंचित समाज घटकांवर होणारा अन्याय -अत्याचार प्रकरणी वाचा फोडण्याचे काम करेल. गुन्हेगारीविषयक बातम्यांच्या माध्यमातून जनतेने सावध राहावे, सतर्क राहावे आणि योग्य तो सकारात्मक बोध घ्यावा असा मुख्य उद्देश आहे. गुन्हेगारी संपविण्यासाठी कायदा व सुव्यवस्था योग्य राखण्यासाठी वेळोवेळी पोलिसांना सहकार्य करण्याचे आवाहन आपणास या माध्यमातून करण्यात येत आहे.

हातातला मोबाईल हा संपर्कासाठी आणि मोबाईलमधील समाजमाध्यमे माहितीची देवाणघेवाण करण्यासाठी, विधायक गोष्टींसाठी असतात, हे भान हरवलेल्या रीलबहाद्दरांमुळे बऱ्याचदा बाका प्रसंग उद्भवण्याची शक्यता असते. # अनेकजण रिल्सचा वापर आपल्या वैयक्तीक स्वार्थासाठी करतात, हे प्रत्येकाने लक्षात घ्यावे. # रीलमध्ये केलेल्या प्रत्येक पोस्ट खऱ्या असतीलच अशा नाही, त्यामुळे त्याची शहानिशा केल्याशिवाय शेअर फॉरवर्ड किंवा लाईक करू नका. # काही क्षणातच या रील हजारो नागरिकांपर्यंत पोहचत असल्यामुळे अफवा पसरण्याची भीती असल्याने लाईक आणि शेअर करताना विशेष काळजी घ्यावी.

Ticker