करणार एआय चा वापर
मुंबई, (दादासाहेब येंधे) : गणेशोत्सव आणि ईद-ए-मिलादच्या धर्तीवर मुंबई पोलिसांनी पत्रकार परिषद घेत शहरातील कायदा आणि सुव्यस्थेसंदर्भात माहिती दिली. मुंबई पोलिसांच्या सह पोलीस आयुक्त (कायदा आणि सुव्यवस्था) आणि सह पोलीस आयुक्त (वाहतूक) यांनी मुंबई पोलिसांची तयारी कशी असणार यासंदर्भात माध्यमांशी संवाद साधला.
सह पोलिस आयुक्त कायदा व सुव्यवस्था सत्यनारायण याांनी दिलेल्या माहितीनुसार मुंबईत गणपती विसर्जनाच्या धर्तीवर पोलीस दल आणि वाहतूक पोलिसांनी जय्यत तयारी केली आहे. शहरातील विविध समुद्रकिनाऱ्यांवर दीड ते दोन लाख घरगुती गणपती आणि सार्वजनिक गणपती मूर्तींचं विसर्जन होणार आहे. त्या धर्तीवर चौपाटीवर महापालिका आणि सामाजिक संस्थांची सीसीटीव्ही, एआय ची नजर असणार आहे.
दरम्यान सह पोलीस आयुक्त (कायदा आणि सुव्यवस्था) सत्यनारायण चौधरी आणि सह पोलीस आयुक्त (वाहतूक) अनिल कुंभारे यांनी पत्रकार परिषद घेत गणपती विसर्जनाबाबत माहिती दिली.
मुंबईमध्ये गणपती विसर्जनाच्या वेळी वाहतूक आणि कायदा व सुव्यवस्था राखण्यासाठी मुंबई पोलीस सज्ज आहेत. दरवर्षीप्रमाणे यंदाही मोठ्या संख्येने पोलीस अधिकारी, कर्मचारी आणि वाहतूक पोलिसांची तैनात केली जाणार आहे. याशिवाय, सीसीटीव्ही कॅमेरे, ड्रोन व इतर तंत्रज्ञानाचा वापर करून विसर्जन मिरवणुकींवर आणि गर्दीवर बारीक लक्ष ठेवले जाणार आहे. सुरक्षेसाठी विशेष नाकेबंदी, नियंत्रण कक्ष आणि आपत्कालीन पथके तयार करण्यात आली आहे.
रस्ते, चौपाटी, वाहतूकीची गणपती विसर्जनासाठीची तयारी पूर्ण झालेली आहे. घरगुती गणेश विसर्जन, मंडळातील मोठ्या गणपती मूर्तीच्या विसर्जनाची तयारी पूर्ण झाली असून चौपाटीच्या ठिकाणी बीएसमी, स्वयंसेवक असतील. प्रत्येक ठिकाणी कडेकोट बंदोबस्ताचं नियोजन केलंय, अशी माहिती मुंबई पोलिसांनी दिली. मुंबईत १० हजार कॅमेरे लावण्यात आले आहेत. ड्रोनद्वारे देखील सगळ्या विसर्जनावर नजर ठेवण्यात येणार आहे. पोलिसांच्या पेट्रोलिंगच्या गाड्या असतील. कंट्रोल रुम देखील सज्ज आहे. पोलिसांनी दिलेल्या सगळ्या सूचनाचं पालन करा, असं आवाहन मुंबई पोलिसांकडून करण्यात आले आहे. तसेच यंदा पहिल्यांदाच मुंबई पोलिसांकडून बंदोबस्तात एआयचा वापर करण्यात येणार असल्याची माहिती देखील मुंबई पोलिसांनी पत्रकार परिषदेत दिली.
गणेशोत्सव राज्य महोत्सव म्हणून घोषित करण्यात आला आहे. महापालिकेसोबत मिळून आम्ही बंदोबस्त आखला आहे. ६५०० सार्वजनिक गणेशोत्सव मंडळ आहेत. दीड ते दोन लाख घरगुती गणपती मुंबईत आहेत. ६५ नैसर्गिक विसर्जन स्थळ आहे. २०५ कृत्रिम तलाव आहेत. तसेच विसर्जन मार्गावरील रस्ते मोकळे करण्यात आले आहेत. सीसीटीव्ही कॅमेऱ्यातून मुंबईवर लक्ष ठेवलं जाईल. १२ अतिरिक्त पोलीस आयुक्त, ४० डीसीपी, ६१ एसीपी यावेळी बंदोबस्तात तैनात असतील. सोबत २९९० अधिकारी आणि १७५५८ पोलीस कर्मचारी देखील तैनात असतील. सोबत राज्य राखीव पोलीस दलाच्या १४ तुकड्या, चार शीघ्र कृती दलाच्या तुकड्या तीन दंगल नियंत्रण पथकाच्या तुकड्या, आणि BDDS ला देखील सज्ज ठेवण्यात आले आहेत. १०००० सीसीटीव्ही कॅमेरातून विसर्जनावर लक्ष ठेवलं जाईल. तसेच ड्रोन कॅमेऱ्याने नजर ठेवली जाईल. एआय चा देखील मुंबई पोलीस बंदोबस्तकरीता वापर केला जाणार आहे. परवानगी शिवाय ड्रोन उडवण्यास बंदी असणार आहे. सध्या वेशातील पोलीस देखील तैनात असतील.
वाहतुकीसाठी नियोजन करण्यात आलं आहे. गिरगाव चौपाटी तसेच दादर चौपाटी,जुहू येथे वाहतूकव्यवस्थेत बदल करण्यात आले आहेत. बंदोबस्तासाठी ४ पोलीस उपायुक्त तसेच २८२६ वाहतूक पोलीस कर्मचारी तसेच महाराष्ट्र सुरक्षा दलाचे जवान रस्त्यावर असतील. सामाजिक संस्थाच देखील सहकार्य घेतलं जाणार आहे. तसेच टप्प्याटप्प्याने रुग्णवाहिका तैनात करण्यात आले आहेत. तसेच ५२० सुरक्षा रक्षक समुद्रकिनारी तैनात करण्यात आले असून कोस्टगार्डची देखील मदत घेण्यात आली आहे.
0 टिप्पण्या