मुंबई, दि. ४ : मध्यप्रदेश करताना झालेल्या वादातून शिवीगाळ केली म्हणून सपना सतीश बातम या ४० वर्षांच्या मैत्रिणीची दगडाने ठेचून हत्या करून हत्येचा पुरावा नष्ट करून पळून गेलेला आरोपीला कुठलाही पुरावा नसताना शिवडी पोलिसांच्या एका विशेष पथकाने नुकतीच अटक केली.
शहजादा उर्फ रमजान शफी शेख असे या आरोपीचे नाव असून याच गुन्ह्यात तो सध्या पोलीस कोठडीत असल्याचे एपीआय स्नेहलसिंग खुळे यांनी सांगितले.
२२ जानेवारीला शिवडीतील टिक टॉक पॉइंट बीपीसीएल कंपनीच्या मागील बाजूस शिवडी पोलिसांना एका अज्ञात महिलेचा मृतदेह सापडला होता. हा मृतदेह संपूर्ण कुजलेल्या स्थितीत होता. त्यामुळे त्या महिलेची ओळख बरेच दिवसापासून पटत नव्हती. शवविच्छेदन अहवालात महिलेच्या डोक्यात जड वस्तूने मारहाण करून तिची हत्या करण्यात आल्याचे उघडकीस आले होते. हत्येनंतर मारेकऱ्याने पुरावा नष्ट करण्यासाठी मृतदेहाची विल्हेवाट लावली होती. या घटनेची वरिष्ठांनी गंभीर दखल घेत शिवडी पोलिसांना तपासाचे आदेश दिले होते.
वरिष्ठ पोलीस निरीक्षक रोहित खोत यांच्या पथकातील सागर काळेकर, विशाल चंदनशिवे, शिवाजी पासलकर, सचिन माने, सागर काळेकर, स्नेहलसिंग खुळे, विश्राम मदने, शिव धुमाळ यांच्यासह पोलिस अंमलदारांचे विशेष पथक तयार करण्यात आले होते. या पथकाने महिलेची ओळख पटावी म्हणून विविध परिसरात १००० हून अधिक फोटो लावले होते. तसेच सीसीटीव्ही फुटेच्या माध्यमातून जास्तीत जास्त माहिती मिळवण्याचा प्रयत्न केला गेला. या माहितीनंतर ही महिला मुंबई सेंट्रल येथील असल्याचे उघडकिस आले. त्यानंतर तिचा फोटो तिच्या मुलीला दाखवला असता तिने तिचे नाव सपना बातम असल्याचे सांगितले. १४ जानेवारीला सपना ही रमजान सोबत बाहेर गेली होती. हाच धागा पकडून पोलिसांनी रमजानला चौकशीसाठी ताब्यात घेतले असता त्याने गुन्हा कबूल केला.
कोणत्याही टिप्पण्‍या नाहीत:
टिप्पणी पोस्ट करा