मुलीला चामडी पट्ट्याने मारहाण

दादा येंधे सप्टेंबर २३, २०२१

लहान भावाला घरात न घेतल्याचा पित्याला राग, पोलिसांकडून अटक

मुंबई, दादासाहेब येंधे : लहान भावाला घरात घेतले नाही याचा राग आल्याने पित्याने पंधरा वर्षांच्या मुलीला चामडी पट्ट्याने मारहाण केल्याची घटना रविवारी दुपारी घडली. याबाबत मुलीने चुनाभट्टी पोलिस ठाण्यात तक्रार दाखल केली असता तिच्या पित्याला अटक करण्यात आली आहे. महेंद्र शिवाजी इतापे (वय ४७) असे अटक केलेल्या आरोपीचं नाव आहे.

चेंबूर येथील लाल डोंगर परिसरातील अल्टाविस्ता इमारतीत तक्रारदार मुलगी प्रेरणा महिंद्रा इथापे आपल्या आई-वडिलांसोबत राहते. शनिवारी सकाळी लहान भाऊ तीर्थराज याने झोपेत लघवी केली होती. आई रागवेल या भीतीने तो घरातून बाहेर पळून गेला. आई-वडील घराची चावी देऊन भावाला घरात घे, असे सांगून आजीला उपचाराकरता केईएम रुग्णालयात घेऊन गेले. मुलीने पिण्याचे पाणी भरले. घरातील साफसफाई केली. त्यानंतर ती अभ्यास करण्यास बसली. परंतु, लहान भावास घरात घेण्यास ती विसरली. आई वडील घरी आल्यानंतर मुलगा घराबाहेर नग्न स्थितीत फिरत असल्याचे शेजाऱ्यांनी सांगितले. रागाच्या भरात पित्याने तिला हाताने व चामडी पट्ट्याने मारहाण केली व दोनदा उचलून खाली आपटले.

क्राईम बातम्या

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.

टिप्पणी पोस्ट करा

0 टिप्पण्या

'वृत्त रिपोर्टर' जनसामान्यांच्या हितासाठी, शोषित, पीडित, वंचित समाज घटकांवर होणारा अन्याय -अत्याचार प्रकरणी वाचा फोडण्याचे काम करेल. गुन्हेगारीविषयक बातम्यांच्या माध्यमातून जनतेने सावध राहावे, सतर्क राहावे आणि योग्य तो सकारात्मक बोध घ्यावा असा मुख्य उद्देश आहे. गुन्हेगारी संपविण्यासाठी कायदा व सुव्यवस्था योग्य राखण्यासाठी वेळोवेळी पोलिसांना सहकार्य करण्याचे आवाहन आपणास या माध्यमातून करण्यात येत आहे.

हातातला मोबाईल हा संपर्कासाठी आणि मोबाईलमधील समाजमाध्यमे माहितीची देवाणघेवाण करण्यासाठी, विधायक गोष्टींसाठी असतात, हे भान हरवलेल्या रीलबहाद्दरांमुळे बऱ्याचदा बाका प्रसंग उद्भवण्याची शक्यता असते. # अनेकजण रिल्सचा वापर आपल्या वैयक्तीक स्वार्थासाठी करतात, हे प्रत्येकाने लक्षात घ्यावे. # रीलमध्ये केलेल्या प्रत्येक पोस्ट खऱ्या असतीलच अशा नाही, त्यामुळे त्याची शहानिशा केल्याशिवाय शेअर फॉरवर्ड किंवा लाईक करू नका. # काही क्षणातच या रील हजारो नागरिकांपर्यंत पोहचत असल्यामुळे अफवा पसरण्याची भीती असल्याने लाईक आणि शेअर करताना विशेष काळजी घ्यावी.

Ticker