कल्याणच्या इराणी वस्तीत जमावाकडून पोलिसांवर हल्ला

दादा येंधे फेब्रुवारी ०६, २०२१

हल्ल्यात तीन पोलीस जखमी...

कल्याण - कसारा रेल्वे मार्गावरील आंबिवली रेल्वे स्थानकाशेजारी इराणी टोळीची वस्ती (कबेला) असून या वस्तीतअनेक गुन्हेगार आश्रय घेत असल्याचे अनेकदा पोलिसांच्या छापेमारीत उघड झाले आहे. विशेष म्हणजे इराणी

वस्ती पोलिसांवर यापूर्वी ८ ते ९ वेळा हल्ले झाले असून पोलिसांवर इराणी जमावाने आज हल्ला करून पुन्हा एकदागुन्हेगारांची इराणी वस्ती चर्चमध्ये आली आहे. तर हल्ल्यात जखमी पोलीस पथक एका सराईत आरोपीला

पकडण्यासाठी गेले असता, पोलिसांवर इराण्यांनी तुफान दगडफेक करत त्या सराईत आरोपीची सुटका केल्याचाखळबळजनक प्रकार समोर आला आहे.

रेल्वे फाटक बंद असल्याने थांबली पोलीस व्हॅन आणि त्यांनतर ....
कल्याण ते कसारा रेल्वे मार्गावर आंबविलीच्या इराणी वस्तीत एक सराईत गुन्हेगार पडकण्यासाठी मीरा भाईंदर पोलिसांचे पथक आले होते. पथकाने संबंधित आरोपीला इराणी वस्तीतून ताब्यात घेऊन पोलीस व्हॅनमध्ये बसवून नेत होते. नेमक्या त्याच वेळेला आंबिवली रेल्वे स्थानकानजीक असलेले रेल्वेचे फाटक बंद असल्याने पोलिसांच्या दोन्ही व्हॅन तिकडे अडकूनपडल्या. आणि हीच संधी साधत इराणी वस्तीतील महिला आणि तरुणांनी पोलिसांच्या गाड्यांवर तुफान दगडफेक सुरू केली. तर काही जणांनी बांबूच्या सहाय्याने गाड्यांवर हल्ला चढवला. अचानक झालेल्या या हल्ल्याने काही काळ पोलिसही बिथरून गेले तर दोन गाड्यांपैकी एक व्हॅन कशीबशी तिथून दुसऱ्या मार्गाने निघून गेली. त्यामुळे नेमकं ज्या पोलीस व्हॅनमध्ये या आरोपीला ठेवण्यात आले होते. तीच या हल्लेखोर इराणी जमावाच्या तावडीत सापडली. ज्यातून या इराण्यांनी त्या सराईत आरोपीची पोलिसांच्या तावडीतून खेचून बाहेर काढले आणि तिथून धूम ठोकली. जमावाच्या हल्ल्यात मीरा भाईंदर क्राईम ब्रांचेच्या पथकातील तीन पोलीस जखमी झाले असून त्यांच्यावर रुग्णालयात उपचार सुरु आहे. तर कल्याण च्या खडपाडा पोलीस ठाण्यात हल्लेखोर इराणी जमावावर गुन्हा दाखल करण्यात आला असून पोलिसांनी त्यांचा शोध सुरु केला आहे.

यापूर्वीही ८ ते ९ वेळा पोलिसांवर हल्ले. ..
कल्याणच्या आंबविलीजवळील इराणी वस्ती आणि तिथली गुन्हेगारी पार्श्वभूमी काही नविन नाही. याआधीही या वस्तीतील जमावाने पोलिसांवर हल्ल्याच्या अनेक घटना घडल्या आहेत. त्यात आणखी एका घटनेची भर पडली असून इराणी वस्तीतील ही दहशत पोलीस विभाग आणखी किती काळ सहन करणार? या दहशतीला आणि थेट खाकी वर्दीवर हात टाकणाऱ्यांना सरकार आणखी किती पाठीशी घालणार हाच खरा प्रश्न पुन्हा आजच्या हल्ल्याने उपस्थित झाला आहे.

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.

टिप्पणी पोस्ट करा

0 टिप्पण्या

'वृत्त रिपोर्टर' जनसामान्यांच्या हितासाठी, शोषित, पीडित, वंचित समाज घटकांवर होणारा अन्याय -अत्याचार प्रकरणी वाचा फोडण्याचे काम करेल. गुन्हेगारीविषयक बातम्यांच्या माध्यमातून जनतेने सावध राहावे, सतर्क राहावे आणि योग्य तो सकारात्मक बोध घ्यावा असा मुख्य उद्देश आहे. गुन्हेगारी संपविण्यासाठी कायदा व सुव्यवस्था योग्य राखण्यासाठी वेळोवेळी पोलिसांना सहकार्य करण्याचे आवाहन आपणास या माध्यमातून करण्यात येत आहे.

हातातला मोबाईल हा संपर्कासाठी आणि मोबाईलमधील समाजमाध्यमे माहितीची देवाणघेवाण करण्यासाठी, विधायक गोष्टींसाठी असतात, हे भान हरवलेल्या रीलबहाद्दरांमुळे बऱ्याचदा बाका प्रसंग उद्भवण्याची शक्यता असते. # अनेकजण रिल्सचा वापर आपल्या वैयक्तीक स्वार्थासाठी करतात, हे प्रत्येकाने लक्षात घ्यावे. # रीलमध्ये केलेल्या प्रत्येक पोस्ट खऱ्या असतीलच अशा नाही, त्यामुळे त्याची शहानिशा केल्याशिवाय शेअर फॉरवर्ड किंवा लाईक करू नका. # काही क्षणातच या रील हजारो नागरिकांपर्यंत पोहचत असल्यामुळे अफवा पसरण्याची भीती असल्याने लाईक आणि शेअर करताना विशेष काळजी घ्यावी.

Ticker