पुणे व अहमदनगर जिल्ह्यात धुमाकूळ घालणाऱ्या अट्टल दरोडेखोर जेरबंद

अट्टल दरोडेखोरांना जेरबंद करण्यात स्थानिक गुन्हे शाखा पुणे ग्रामीण ला यश

  

दादासाहेब येंधे :

१४ डिसेंबर २०२० रोजी आळेफाटा पोलीस स्टेशन गु. र.नं. "४३०/२०२०" भा.द.वि "कलम ३९५" नुसार गुन्हा दाखल झाला होता. सदर च्या गुन्हयाचे स्वरूप लक्षात घेता ह्या गुन्ह्यातील आरोपींचा त्वरित शोध घेऊन त्यांना अटक करण्याच्या सूचना मा पोलिस अधीक्षक  यांनी स्थानिक गुन्हे शाखेच्या पथकाला दिल्या होत्या.

      

गुन्ह्याच्या अनुषंगाने आरोपींची माहिती घेण्यासाठी आळेफाटा, पारनेर, निघोज, साकोरी या भागात शोध सुरू केला असता बातमीदारामार्फत बातमी मिळाली की, शिरूर पोलीस स्टेशन गु. र. नं.७४८/२०१९ भा.द.वी कलम ३९५ मधील फरार आरोपी नामे विशाल उर्फ कोंग्या काळे हा टाकळी हाजी परिसरात येणार असल्याची खात्रीशीर माहिती मिळाली. त्यानुसार निघोज बाजूकडे जाणाऱ्या रस्त्यावर सापळा लावून थांबलो असता दोन इसम निघोज बाजूकडे जाताना दिसले त्यांना पोलिसांचा संशय आल्याने ते पळून जाऊ लागले असता पोलिसांनी त्या व्यक्तींचा पाठलाग करून त्यांना ताब्यात घेतले. त्यांची नावे

१) विशाल उर्फ कोंग्या नरेश काळे वय २६ वर्षे रा. निघोज ता.पारनेर जि. अ.नगर

२)दिपक उर्फ आशिक आझाद काळे वय २५ वर्षे रा. निघोज ता. पारनेर जि.अ नगर.

असे असल्याचे त्यांनी सांगितले. त्यांच्याकडे अधिक चौकशी केली असता त्यांनी मागील चार पाच महिन्यात ओतूर, आळेफाटा, मंचर लोणीकंद, पारनेर या भागात त्यांनी त्यांचे इतर साथीदारांसोबत गुन्हे केल्याचे कबूल केले.

        

त्यांनी दिलेल्या माहितीनुसार संबंधित पोलीस स्टेशन कडून माहिती घेतली असता त्यांनी आणखीही वेगवेगळ्या  पोलीस ठाणेच्या हद्दीत गुन्हे केल्याचे निष्पन्न झाले.

 

१) आळेफाटा पोलीस स्टेशन   गु.र.नं.४३०/२०२० भा.द.वी.कलम ३९५

२) आळेफाटा पोलीस स्टेशन   गु.र.नं.४२६/२०२० भा.द.वी.कलम ३९४,३४ 

३) ओतूर पोलीस स्टेशन गु.र.नं.२३३/२०२० भा.द.वी.कलम ४५७,३८०

४) मंचर पोलीस स्टेशन गु.र.नं.६८८/२०२० भा.द.वी.कलम ३९४,३४ 

५) लोणीकंद पोलीस स्टेशन गु.र.नं.१००७/२०२० भा.द.वी.कलम ३८०

६) पारनेर पोलीस स्टेशन गु.र.नं.१११/२०२० भा.द.वी.कलम ४५७,३८० 

७) बेलवंडी पोलीस स्टेशन गु.र.नं.५९४/२०२० भा.द.वी.कलम ३९४

८) शिरूर पोलीस स्टेशन गु.र.नं.७४८/२०१९ भा.द.वी.कलम ३९५

      

सदर ची कार्यवाही मा पोलीस अधीक्षक श्री अभिनव देशमुख, अप्पर पोलीस अधीक्षक श्री विवेक पाटील, उप. विभा. पो.अधिकारी. मंदार जवळे साहेब यांच्या आदेशानुसार स्थानिक गुन्हे शाखेचे वरिष्ठ पोलीस निरीक्षक श्री पद्माकर घनवट यांच्या मार्गदर्शनाखाली सपोनि. नेताजी गंधारे, सफो.दत्तात्रय गिरमकर, पोहवा. हनुमंत पासलकर, पोहवा. उमाकांत कुंजीर, पोहवा.विक्रम तापकीर, पोहवा. सचिन गायकवाड, पोहवा. काशीनाथ राजापूरे, पोना.दिपक साबळे, पोना. जनार्दन शेळके, पोना. राजू मोमीन, पोना. अजित भुजबळ, पोना. मंगेश थीगळे, पोशी.संदीप वारे, पोशी. अक्षय नवले, पोशी. निलेश सुपेकर, पोशी.अक्षय जावळे, या पथकाने करून अट्टल चोरांच्या मुसक्या आवळल्या.