बत्ती गुल!

दादा येंधे ऑक्टोबर १३, २०२०

मुंबईसह ठाणे, नवी मुंबईत वीजपुरवठा खंडीत व्यवहार कोलमडले

मुंबई, दादासाहेब येंधे : कधीही न थांबणारी मुंबई सोमवारी सकाळी वीजपुरवठा खंडित झाल्याने ठप्प झाली. आज सकाळीच वीज वाहिनीत बिघाड झाल्याने मुंबई शहरासह उपनगरे, ठाणे आणि नवी मुंबईच्या परीसरात रात्री उशिरापर्यंत वीजपुरवठा खंडित झाला होता.

आठवड्याच्या सुरुवातीला अचानक वीजपुरवठा खंडित झाल्याने कोरोनामुळे सुरू असलेल्या ऑनलाईन शाळा, वर्क फ्रॉम होम, ऑनलाईन मिटींग्स यांना ब्रेक लागला. तर मुंबईची लाइफलाईन असलेली रेल्वे सेवादेखील सुमारे अडीच ते तीन तास ठप्प झाली होती. विजेअभावी बँकिंग व्यवहार कोलमडले तर एटीएमही बंद पडले होते. रस्त्यावरील सिग्नल देखील बंद पडल्याने अनेक ठिकाणी वाहतूककोंडी झाली होती.

कळवा-तळेगाव (पॉवरग्रीड) वाहिनी १० ऑक्टोबरला दुपारी १ वाजून ४७ मिनिटाला या वाहिनीचा कंडक्टर तुटल्यामुळे बंद झाली होती. तिचे काम सुरू होते. सोमवारी सकाळी १० वाजून १ मिनिटांनी ४०० केव्ही पडघा-कळवा वाहिनी-२ मध्ये तांत्रिक बिघाड झाल्याने बंद झाली आणि मुंबईची वीजव्यवस्था आयलँडिंगवर गेली. त्याचवेळेस टाटा पॉवरचे ५०० मेगावॅट आणि अदानीचे २५० मेगावॅटचे डहाणू येथील वीजनिर्मिती संच बंद झाल्यामुळे मुंबईतील वीजपुरवठा बाधित झाला होता.

मुंबईसह ठाण्यातही वीजपुरवठा खंडित झाल्यानंतर पाणीपुरवठ्यावर परिणाम झाल्याचे दिसून आले. दुपारनंतर टप्याटप्याने काही भागांचा वीजपुरवठा सुरळीत झाल्यानंतरही संपूर्णतः पूर्वस्थितीवर येण्यास सायंकाळी उशिरापर्यंत वाट पाहावी लागली.

कांदिवली पेट्रोल पंप

सीएसएमटी रेल्वे स्टेशन

बोरिवली स्थानक

मध्य रेल्वे, मस्जिद बंदर

सीएसएमटी रेल्वे स्टेशन

नक्षत्र मॉल, दादर

मुंबई सेंट्रल रेल्वे स्थानक

ट्राफिक जॅम

नायर हॉस्पिटल

प्रभादेवी रेल्वे स्थानक ट्रेन नसल्यामुळे प्रवाशांचे हाल

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.

टिप्पणी पोस्ट करा

0 टिप्पण्या

'वृत्त रिपोर्टर' जनसामान्यांच्या हितासाठी, शोषित, पीडित, वंचित समाज घटकांवर होणारा अन्याय -अत्याचार प्रकरणी वाचा फोडण्याचे काम करेल. गुन्हेगारीविषयक बातम्यांच्या माध्यमातून जनतेने सावध राहावे, सतर्क राहावे आणि योग्य तो सकारात्मक बोध घ्यावा असा मुख्य उद्देश आहे. गुन्हेगारी संपविण्यासाठी कायदा व सुव्यवस्था योग्य राखण्यासाठी वेळोवेळी पोलिसांना सहकार्य करण्याचे आवाहन आपणास या माध्यमातून करण्यात येत आहे.

हातातला मोबाईल हा संपर्कासाठी आणि मोबाईलमधील समाजमाध्यमे माहितीची देवाणघेवाण करण्यासाठी, विधायक गोष्टींसाठी असतात, हे भान हरवलेल्या रीलबहाद्दरांमुळे बऱ्याचदा बाका प्रसंग उद्भवण्याची शक्यता असते. # अनेकजण रिल्सचा वापर आपल्या वैयक्तीक स्वार्थासाठी करतात, हे प्रत्येकाने लक्षात घ्यावे. # रीलमध्ये केलेल्या प्रत्येक पोस्ट खऱ्या असतीलच अशा नाही, त्यामुळे त्याची शहानिशा केल्याशिवाय शेअर फॉरवर्ड किंवा लाईक करू नका. # काही क्षणातच या रील हजारो नागरिकांपर्यंत पोहचत असल्यामुळे अफवा पसरण्याची भीती असल्याने लाईक आणि शेअर करताना विशेष काळजी घ्यावी.

Ticker