लालबागचा राजा मंडळाच्या आयोजनात २४६ जणांचे प्लाझ्मादान

दादा येंधे सप्टेंबर ०६, २०२०

पोलिसांच्या कुटुंबियांना मदत

मुंबई, दादासाहेब येंधे : लालबागचा राजाच्या दर्शनासाठी दरवर्षी मोठ्या प्रमाणात गर्दी होते यंदा मात्र मंडळाने उत्सव रद्द करून आरोग्य उत्सवाला गर्दी करीत भक्तांनीही आगळावेगळा विक्रम केला आहे.

मंडळाने आयोजित केलेल्या रक्तदान शिबिरात तब्बल दहा हजाराहून अधिक भक्तांनी रक्तदान केले असून २४६ जणांनी प्लाझ्मादान करीत मोलाची भूमिका बजावली आहे.

कोरोनाच्या पार्श्वभूमीवर यंदा लालबागचा राजा सार्वजनिक गणेशोत्सव मंडळाने उत्सव रद्द करीत ४ ते ३१ ऑगस्टच्या काळात आरोगयोत्सव साजरा करण्याचे ठरविले होते. त्यानुसार २२ ऑगस्ट पासून सुरू झालेल्या रक्तदान शिबिरात एकूण १० हजाराहून अधिक रक्तदात्यांनी रक्तदान केले आहे.

आतापर्यंत एकूण १०१ शहीद वीर पोलिसांच्या कुटुंबीयांना मंडळाच्या वतीने शौर्यचिन्ह व प्रत्येकी रुपये एक लाख देऊन त्यांना सन्मानित करण्यात आल्याची माहिती मंडळाचे मानद सचिव सुधीर साळवी यांनी दिली आहे.

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.

टिप्पणी पोस्ट करा

0 टिप्पण्या

'वृत्त रिपोर्टर' जनसामान्यांच्या हितासाठी, शोषित, पीडित, वंचित समाज घटकांवर होणारा अन्याय -अत्याचार प्रकरणी वाचा फोडण्याचे काम करेल. गुन्हेगारीविषयक बातम्यांच्या माध्यमातून जनतेने सावध राहावे, सतर्क राहावे आणि योग्य तो सकारात्मक बोध घ्यावा असा मुख्य उद्देश आहे. गुन्हेगारी संपविण्यासाठी कायदा व सुव्यवस्था योग्य राखण्यासाठी वेळोवेळी पोलिसांना सहकार्य करण्याचे आवाहन आपणास या माध्यमातून करण्यात येत आहे.

हातातला मोबाईल हा संपर्कासाठी आणि मोबाईलमधील समाजमाध्यमे माहितीची देवाणघेवाण करण्यासाठी, विधायक गोष्टींसाठी असतात, हे भान हरवलेल्या रीलबहाद्दरांमुळे बऱ्याचदा बाका प्रसंग उद्भवण्याची शक्यता असते. # अनेकजण रिल्सचा वापर आपल्या वैयक्तीक स्वार्थासाठी करतात, हे प्रत्येकाने लक्षात घ्यावे. # रीलमध्ये केलेल्या प्रत्येक पोस्ट खऱ्या असतीलच अशा नाही, त्यामुळे त्याची शहानिशा केल्याशिवाय शेअर फॉरवर्ड किंवा लाईक करू नका. # काही क्षणातच या रील हजारो नागरिकांपर्यंत पोहचत असल्यामुळे अफवा पसरण्याची भीती असल्याने लाईक आणि शेअर करताना विशेष काळजी घ्यावी.

Ticker