खाकीला वाचव रे बाप्पा...

कोरोनापासून पोलीस दलाला वाचव,

लढण्याचं बळ दे रे बाप्पा..

मुंबई, दादासाहेब येंधे : कोरोनाच्या पार्श्वभूमीवर गेल्या पाच महिन्यांपासून पोलीस दल न थकता त्यांची ड्युटी इमानेइतबारे पार पाडत आहे. प्रसंगी कोरोना रुग्णांना मदतीचा हातही देत आहेत. परिणामी, कित्येक पोलीस कर्मचारी कोरोनाग्रस्त होऊन मृत्युमुखी पडले आहेत.

तेव्हा या महामारीचं संकट लवकरात लवकर संपव आणि समाजाचं रक्षण करणाऱ्या पोलिसांना बळ दे रे बाप्पा... अशी प्रार्थना जणू चिंचपोकळीच्या चिंतामणी चरणी करताना एक महिला पोलीस.

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.