गुन्हे शाखेने आवळल्या दोघांच्या मुसक्या
मुंबई, दादासाहेब येंधे : १९९९ मध्ये पोलीस चकमकीत ठार झालेल्या मुंबईचा गुंड सादिक कालियाचा पुतण्या, सादिक जवार याने, आपल्या काकाच्या हत्येसाठी जबाबदार असलेल्या 'खबरी'ची हत्या केली आहे. २० एप्रिलच्या संध्याकाळी, दोन हल्लेखोरांनी नागपाडा येथील सेलियाच्या घरी धारदार शस्त्रांनी २० हून अधिक वेळा वार करून त्याची हत्या केली होती.
पोलिसांच्या माहितीनुसार, १९९० च्या दशकात शादिक कालिया काळाचौकीच्या पदपथांवर बूट विकून आपला उदरनिर्वाह करत असे. त्याने दाऊद इब्राहिमच्या टोळीला हफ्ता देण्यास नकार दिला, त्यामुळे छोटा शकीलने त्याला आपल्या टोळीत सामील करून घेतले. सेलिया यांच्या हत्या प्रकरणी चौकशीत सादिक जावरचं नाव समोर आलं. तो २८ वर्षांचा आहे. काका सादिक कालिया यांच्या मृत्यूचा बदला घेण्यासाठी ही हत्या करण्यात आली आहे. १९९९मध्ये दादरमध्ये त्याचे काका सादिक कालिया यांचा एन्काउंटर झाला होता. तेव्हा सादिक कालिया यांची टीप सेलियानेच पोलिसांना दिली होती असा संशय सादिक जावरला होता.
सादिक कालिया ९०च्या दशकात छोटा शकील गँगचा शार्पशूटर होता. कालिया आणि सध्या पाकिस्तानात असलेला मुन्ना झिंग्रा यांनी मुंबईत अनेक हत्या केल्या. नोव्हेंबर १९९९ मध्ये, एका प्रमुख राजकारण्याच्या हत्येचा कट रचत असताना, दया नायकच्या टीमने त्याच्यावर हल्ला केला आणि चकमकीत शादिक कालिया ठार झाला.
त्यावेळी फक्त दोन वर्षांचा असलेला शादिक जवार, आपल्या काकांच्या मृत्यूसाठी कालियाला दोष देत मोठा झाला. २० एप्रिल २०२६ रोजी सायंकाळी ६:४५ वाजता, कुटुंब बाहेर गेले असताना, दोन्ही आरोपींनी त्याच्यावर हल्ला केला.
सीसीटीव्ही फुटेजमध्ये त्यांच्या हालचाली कैद झाल्या. हत्येनंतर, ते अँटॉप हिल आणि विद्याविहारमार्गे कल्याणला गेले आणि तेथून नागपूरला पळून गेले. तांत्रिक पुराव्यांच्या आधारे गुन्हे शाखेने त्यांना अटक केली. चौकशीदरम्यान दोघांनी गुन्ह्याची कबुली दिली. नागपाडा पोलीस ठाण्याचे वरिष्ठ निरीक्षक प्रदीप काळे यांनी हत्येची आणि पीडितेच्या ओळखीची पुष्टी केली. पुढील तपास सध्या सुरू आहे.
0 टिप्पण्या