मुंबई, दि. ३० : मुंबईत शांतता व सुव्यवस्था अबाधित राखण्यासाठी बृहन्मुंबई पोलीस आयुक्तालयाच्या हद्दीत ५ जानेवारी २०२४ रोजी मध्यरात्री १३ वाजेपर्यंत जमावबंदीचा आदेश जारी करण्यात आला आहे.
या आदेशानुसार, पाच किंवा त्यापेक्षा अधिक व्यक्तींच्या कोणत्याही संमेलनास प्रतिबंध, मिरवणूक, लाऊड स्पीकर वाद्य, बँड आणि फटाके फोडण्यास प्रतिबंध असेल. विवाह समारंभ, अंत्यविधी कार्यक्रम, कंपन्या, सहकारी संस्था आणि अन्य संस्था व संघटनांच्या कायदेशीर बैठका क्लब मध्ये होणारे कार्यक्रम, सामाजिक मिळावे, सहकारी संस्था, इतर सोसायटी व संघटनांच्या बैठकांना या आदेशातून वगळण्यात आलेले आहे.
चित्रपटगृह, नाट्यगृहे तसेच सार्वजनिक मनोरंजनाची अन्य ठिकाणे, न्यायालये, शासकीय, निमशासकीय कार्यालये, शाळा, महाविद्यालय तसेच अन्य शैक्षणिक संस्था, कंपन्या, कारखाने, दुकाने तसेच अन्य आस्थापनांमध्ये नियमित व्यापार, व्यवसाय या कारणाने होणाऱ्या जमावास यातून वगळण्यात आलेले आहे. तसेच जमाव करण्यात व शांततापूर्व मार्गाने मोर्चास पोलिसांनी परवानगी दिलेली असल्यास त्यासही या जमाबंदीतून वगळण्यात आले आहे. असे पोलीस आयुक्त विशाल ठाकूर यांनी सांगितले आहे.
0 टिप्पण्या