‘एस’ विभागाची धडक कारवाई

दादा येंधे फेब्रुवारी २४, २०२२

निष्कासन कारवाई

विक्रोळी (पूर्व) परिसरातील १७ अनधिकृत गाळ्यांचे वाढीव बांधकाम निष्कासित विकास नियोजन रस्त्यास अडथळा ठरणारी बांधकामे हटविली उपायुक्त श्री. देवीदास क्षीरसागर यांच्या मार्गदर्शनात व सहाय्यक आयुक्त श्री. अजितकुमार अंबी यांच्या नेतृत्वात ‘एस’ विभागाची धडक कारवाई

विक्रोळी (पूर्व) परिसरातील नामदेवराव पाटणे मार्ग या रस्त्यावरील विविध १७ गाळ्यांच्या पुढच्या बाजूस अवैध व वाढीव बांधकामे उद्भवली होती. यामुळे सदर जागेवरून जाणारा प्रस्तावित १८.३० मीटर रुंदीचा विकास नियोजन रस्ता देखील जात आहे. या अवैध बांधकामामुळे सदरच्या रस्त्याचे रुंदीकरण रखडलले असल्याने वाहतुकीस वापरता येत नव्हता. विशेष म्हणजे नामदेवराव पाटणे मार्ग स्थित सदरहू १७ गाळ्यांना मध्य रेल्वेच्या पाचव्या व सहाव्या मार्गिकेच्या विस्तारीकरण दरम्यान बाधित होत असल्या कारणाने मुंबई महानगर प्रदेश विकास प्राधिकरण (MMRDA) मार्फत पर्यायी सदनिका उपलब्ध करून दिल्या होत्या. मात्र, या सदनिकांचा ताबा मिळाल्यानंतर देखील या जागा पुन्हा अतिक्रमित करण्यात आल्या होत्या.

वरील अनुषंगाने बृहन्मुंबई महानगरपालिकेच्या ‘एस’ विभागाने तीन वेळा नोटीस देऊन व सुनावणी घेण्यात आली. मात्र, यानंतरही संबंधितांनी अनधिकृत बांधकामे स्वतःहून न हटविल्याने या अवैध बांधकामावर दिनांक २१ फेब्रुवारी २०२२ रोजी निष्कासन कारवाई करण्यात आली आहे. ही कारवाई ‘परिमंडळ ६’ चे उपायुक्त श्री. देवीदास क्षीरसागर यांच्या मार्गदर्शनात व ‘एस’ विभागाचे सहाय्यक आयुक्त श्री. अजितकुमार अंबी यांच्या नेतृत्वात सदर १७ अनधिकृत बांधकामांवर धडक कारवाई करण्यात येऊन बांधकामे आता हटविण्यात आली आहेत. यासाठी मुंबई पोलीस दलाची मोलाची मदत महानगरपालिकेच्या पथकाला झाली आहे. यामुळे संबंधीत विकास नियोजन रस्त्याचे रुंदीकरण प्रत्यक्षात येण्याचा मार्ग मोकळा झाला आहे, अशी माहिती बृहन्मुंबई महानगरपालिकेच्या ‘एस’ विभाग कार्यालयाद्वारे देण्यात आली आहे.

(जसंवि/ ५९१)

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.

टिप्पणी पोस्ट करा

0 टिप्पण्या

'वृत्त रिपोर्टर' जनसामान्यांच्या हितासाठी, शोषित, पीडित, वंचित समाज घटकांवर होणारा अन्याय -अत्याचार प्रकरणी वाचा फोडण्याचे काम करेल. गुन्हेगारीविषयक बातम्यांच्या माध्यमातून जनतेने सावध राहावे, सतर्क राहावे आणि योग्य तो सकारात्मक बोध घ्यावा असा मुख्य उद्देश आहे. गुन्हेगारी संपविण्यासाठी कायदा व सुव्यवस्था योग्य राखण्यासाठी वेळोवेळी पोलिसांना सहकार्य करण्याचे आवाहन आपणास या माध्यमातून करण्यात येत आहे.

हातातला मोबाईल हा संपर्कासाठी आणि मोबाईलमधील समाजमाध्यमे माहितीची देवाणघेवाण करण्यासाठी, विधायक गोष्टींसाठी असतात, हे भान हरवलेल्या रीलबहाद्दरांमुळे बऱ्याचदा बाका प्रसंग उद्भवण्याची शक्यता असते. # अनेकजण रिल्सचा वापर आपल्या वैयक्तीक स्वार्थासाठी करतात, हे प्रत्येकाने लक्षात घ्यावे. # रीलमध्ये केलेल्या प्रत्येक पोस्ट खऱ्या असतीलच अशा नाही, त्यामुळे त्याची शहानिशा केल्याशिवाय शेअर फॉरवर्ड किंवा लाईक करू नका. # काही क्षणातच या रील हजारो नागरिकांपर्यंत पोहचत असल्यामुळे अफवा पसरण्याची भीती असल्याने लाईक आणि शेअर करताना विशेष काळजी घ्यावी.

Ticker