मर्यादीत लससाठा उपलब्ध असल्याने उद्या दिनांक २१ सप्टेंबर २०२१ रोजी मुंबईतील ७३ मनपा व शासकीय केंद्रांवरच कोविड लसीकरण

दादा येंधे सप्टेंबर २०, २०२१

बुधवार, २२ सप्टेंबर २०२१ पासून सर्व ३१६ केंद्रांवर होणार लसीकरण

कोविड-१९ प्रतिबंध लसीकरण मोहिमेतंर्गत मर्यादीत प्रमाणात लससाठा उपलब्ध असल्यामुळे बृहन्मुंबई महानगरपालिका क्षेत्रातील ३१६ पैकी ७३ निवडक महानगरपालिका आणि शासकीय लसीकरण केंद्रांवर उद्या मंगळवार दिनांक २० सप्टेंबर २०२१ रोजी लसीकरण सुरु राहणार आहे.
सदर ७३ लसीकरण केंद्रांची यादी बृहन्मुंबई महानगरपालिकेच्या समाजमाध्यमांवर प्रकाशित करण्यात आली आहे.

दरम्यान, आज (दिनांक २० सप्टेंबर २०२१) रात्री उशिरापर्यंत महानगरपालिका प्रशासनाला कोविड लससाठा उपलब्ध होणार आहे. या साठ्याचे वितरण उद्या मंगळवार, दिनांक २१ सप्टेंबर २०२१ रोजी दिवसभरात विविध शासकीय व महानगरपालिका केंद्रांना करण्यात येईल. त्यामुळे बुधवार, दिनांक २२ सप्टेंबर २०२१ पासून सर्व ३१६ शासकीय व महानगरपालिका केंद्रांवर लसीकरण मोहीम पूर्ववत सुरु होईल.

लशींचा साठा ज्या प्रमाणात प्राप्त होईल, त्या अनुरूप योग्य निर्णय घेवून मुंबईकर नागरिकांना सातत्याने अवगत करण्यात येते. मुंबईकर नागरिकांनी बृहन्मुंबई महानगरपालिका प्रशासनाला सहकार्य करावे, असे विनम्र आवाहन करण्यात येत आहे.

(जसंवि/३४९)

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.

टिप्पणी पोस्ट करा

0 टिप्पण्या

'वृत्त रिपोर्टर' जनसामान्यांच्या हितासाठी, शोषित, पीडित, वंचित समाज घटकांवर होणारा अन्याय -अत्याचार प्रकरणी वाचा फोडण्याचे काम करेल. गुन्हेगारीविषयक बातम्यांच्या माध्यमातून जनतेने सावध राहावे, सतर्क राहावे आणि योग्य तो सकारात्मक बोध घ्यावा असा मुख्य उद्देश आहे. गुन्हेगारी संपविण्यासाठी कायदा व सुव्यवस्था योग्य राखण्यासाठी वेळोवेळी पोलिसांना सहकार्य करण्याचे आवाहन आपणास या माध्यमातून करण्यात येत आहे.

हातातला मोबाईल हा संपर्कासाठी आणि मोबाईलमधील समाजमाध्यमे माहितीची देवाणघेवाण करण्यासाठी, विधायक गोष्टींसाठी असतात, हे भान हरवलेल्या रीलबहाद्दरांमुळे बऱ्याचदा बाका प्रसंग उद्भवण्याची शक्यता असते. # अनेकजण रिल्सचा वापर आपल्या वैयक्तीक स्वार्थासाठी करतात, हे प्रत्येकाने लक्षात घ्यावे. # रीलमध्ये केलेल्या प्रत्येक पोस्ट खऱ्या असतीलच अशा नाही, त्यामुळे त्याची शहानिशा केल्याशिवाय शेअर फॉरवर्ड किंवा लाईक करू नका. # काही क्षणातच या रील हजारो नागरिकांपर्यंत पोहचत असल्यामुळे अफवा पसरण्याची भीती असल्याने लाईक आणि शेअर करताना विशेष काळजी घ्यावी.