सरकारच्या निर्णयाकडे पत्रकारांचे लक्ष

दादा येंधे एप्रिल २५, २०२१

आदेश न निघाल्यास मंगळवारी आंदोलन

मुंबई : लॉकडाऊनच्या काळात प्रिंट आणि इलेक्ट्रॉनिक मीडियातील पत्रकार आणि पत्रकारितेतर कर्मचारी यांना वार्तांकन आणि दैनंदिन कार्यालयीन कामासाठी फिरण्याची मुभा मिळावी, या मागणीबाबत राज्य सरकारच्या निर्णयाकडे पत्रकारांचे लक्ष लागले आहे. याबाबत सरकारने सोमवार, दि. २६ एप्रिल, २०२१ रोजी सायं. ६.०० वाजेपर्यंत अनुकूल निर्णय न घेतल्यास मंगळवारी दुपारी वाजता मुंबई मराठी पत्रकार संघाच्या पत्रकार भवनासमोर सरकारच्या निषेधार्थ ती आंदोलन करण्याचा निर्णय आज दूरदृष्य प्रणालीद्वारे झालेल्या विविध पत्रकार संघटनांच्या बैठकीत घेण्यात आला.

प्रिंट आणि इलेक्ट्रॉनिक मीडियातील पत्रकार आणि पत्रकारितेतर कर्मचारी यांच्यासाठी माध्यम आस्थापनांना प्रत्येकी २५ ओळखपत्र देण्याची मागणी मुंबई मराठी पत्रकार संघाने मुख्यमंत्री उद्धव ठाकरे यांच्याकडे केली आहे. या मागणीची राज्य सरकारने गंभीर दखल घेतली आहे. त्याबाबतचे आदेश सोमवार दिनांक २६ एप्रिल २०२१ रोजी प्रशासकीय स्तरावर काढण्यात येणार आहेत. या मागणीची पूर्तता करण्यासाठी राज्यशासनाच्या माहिती आणि जनसंपर्क महासंचालनालयाचे संचालक (वृत्त) श्री. गणेश रामदासी यांनी स्वत: पुढाकार घेतला आहे. येत्या सोमवारी राज्यसरकार याबाबतचा आदेश काढणार आहे. या आदेशाकडे पत्रकारांचे लक्ष लागून राहिले आहे. या पार्श्वभूमीवर सोमवारी संध्याकाळपर्यंत हा आदेश न निघाल्यास मंगळवारी दुपारी २.०० वाजता सर्व पत्रकार संघटना राज्यसरकारच्या निषेधार्थ आंदोलन करतील, असा निर्णय आजच्या बैठकीत एकमताने घेण्यात आला.

आज दूरदृष्य प्रणालीद्वारे झालेल्या विविध संघटनांच्या बैठकीत मुंबई मराठी पत्रकार संघाचे अध्यक्ष नरेंद्र वि. वाबळे, पत्रकार संघाचे माजी अध्यक्ष देवदास मटाले,बृहन्मुंबई महानगरपालिका वार्ताहर संघाचे अध्यक्ष आणि पत्रकार संघाचे कार्यवाह विष्णू सोनवणे, एनयूजे (महाराष्ट्र) अध्यक्ष शीतल करदेकर, मुंबई क्रीडा पत्रकार संघाचे वरिष्ठ कार्यकारिणी सदस्य शैलेश नागवेकर, टीव्ही जर्नालिस्ट असोसिएशनचे चिटणीस राजेश माळकर, एनयूजेचे(औरंगाबाद) अध्यक्ष मोहम्मद अब्दुल कादीर, रचना बोऱ्हाडे(नवी मुंबई), प्रवीण वाघमारे (ठाणे), शेखर घोंगडे (कोल्हापूर),सुवर्णा दिवेकर (रायगड), लक्ष्मीकांत घोणसे-पाटील(रत्नागिरी), कैलास उदमले (अहमदनगर) आदी उपस्थित होते.

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.

टिप्पणी पोस्ट करा

0 टिप्पण्या

'वृत्त रिपोर्टर' जनसामान्यांच्या हितासाठी, शोषित, पीडित, वंचित समाज घटकांवर होणारा अन्याय -अत्याचार प्रकरणी वाचा फोडण्याचे काम करेल. गुन्हेगारीविषयक बातम्यांच्या माध्यमातून जनतेने सावध राहावे, सतर्क राहावे आणि योग्य तो सकारात्मक बोध घ्यावा असा मुख्य उद्देश आहे. गुन्हेगारी संपविण्यासाठी कायदा व सुव्यवस्था योग्य राखण्यासाठी वेळोवेळी पोलिसांना सहकार्य करण्याचे आवाहन आपणास या माध्यमातून करण्यात येत आहे.

हातातला मोबाईल हा संपर्कासाठी आणि मोबाईलमधील समाजमाध्यमे माहितीची देवाणघेवाण करण्यासाठी, विधायक गोष्टींसाठी असतात, हे भान हरवलेल्या रीलबहाद्दरांमुळे बऱ्याचदा बाका प्रसंग उद्भवण्याची शक्यता असते. # अनेकजण रिल्सचा वापर आपल्या वैयक्तीक स्वार्थासाठी करतात, हे प्रत्येकाने लक्षात घ्यावे. # रीलमध्ये केलेल्या प्रत्येक पोस्ट खऱ्या असतीलच अशा नाही, त्यामुळे त्याची शहानिशा केल्याशिवाय शेअर फॉरवर्ड किंवा लाईक करू नका. # काही क्षणातच या रील हजारो नागरिकांपर्यंत पोहचत असल्यामुळे अफवा पसरण्याची भीती असल्याने लाईक आणि शेअर करताना विशेष काळजी घ्यावी.

Ticker