प्रतिबंधित क्षेत्रांतील गणरायांचे घरीच विसर्जन

घरगुती गणपतीसाठीही नियमावली जाहीर

मुंबई, दादासाहेब येंधे : सार्वजनिक आणि घरगुती गणपतीसाठी महापालिकेने सुधारित नियमावली नुकतीच जाहीर केली. विसर्जनाच्या तारखेस जर घरगुती तसेच सार्वजनिक गणेशोत्सव मंडळाच्या परिसर हा प्रतिबंधित क्षेत्रात असेल तर मूर्ती विसर्जन सार्वजनिक ठिकाणी करण्यास मनाई करण्यात आली आहे. 

प्रतिबंधित क्षेत्रातील गणेशभक्तांनी आपल्या घरातील गणपतीचे घरीच विसर्जन करावे.

मूर्तीचे विसर्जन बादलीमध्ये, ड्रममध्ये करणे बंधनकारक राहील. आगमन विसर्जनाच्या वेळी दहापेक्षा अधिक लोक जमणार नाही याची काळजी घ्यावी लागणार आहे. सार्वजनिक मंडळांनी मार्फतच लोखंडी टाकी ठेवून किंवा तत्सम व्यवस्था करून मूर्तीचे विसर्जन करणे बंधनकारक असणार आहे.