नागरीकांच्या आरोग्यास धोका निर्माण करणारे VENUS कंपनीचे
N 95 व V-410 V बनावट मास्कचा साठा जप्त
मुंबई, दादासाहेब येंधे : कोरोना (कोवीड-१९) विषाणूचा प्रादुर्भाव रोखण्याकरीता नागरीकांना सार्वजनिक ठिकाणी वावरताना मास्कचा वापर करणे शासनातर्फे अनिवार्य करण्यात आले आहे. याकरीता बाजारामध्ये मास्कच्या मागणीमध्ये कमालीची वाढ झाल्याचे दियून येते. या परिस्थितीचा फायदा घेवून नामांकित VENUS कंपनीचे बनावट मास्क विकले जात असल्याबाबत गुन्हे शाखा, कक्ष-३ चे पोलीस निरीक्षक नितीन पाटील यांना खबर मिळाली.
प्राप्त माहीतीची शहानिशा करीत असताना दिनांक २८/०७/२०२० रोजी लोअर परेल पूर्व परिसरात एक इसम VENUS कंपनीच्या बनावट मास्कची विकी करण्यासाठी येणार आहे अशी माहीती मिळाली. त्या अनुषंगाने VENUS कंपनीचे अधिकाऱ्यांसह कक्षातील अधिकारी व अंमलदार यांनी पोदार मिल कंम्पाऊंड जवळ, लोअर परेल, पूर्व मुंबई या ठिकाणी सापळा लावून टेम्पोतून आलेला एक पुरुष इसम, वय ४२ वर्षे यास ताब्यात घेतले. टेम्पोच्या झडती मध्ये VENUS कंपनीचे पांढऱ्या रंगाचे N-95 मास्क १०,५०० नग, वॉल्व असलेले पिवळया रंगाचे V-410 मास्क ६,८०० नग व V-410 V याचे प्लास्टिकचे रिकामे पाऊच १०,००० नग अशी एकूण रु.२१,३९,०००/- ची मालमत्ता जप्त करण्यात आली आहे. VENUS कंपनीचे अधिकाऱ्यांनी जप्त मास्कची तपासणी केली असता ते बनावट असल्याचे निष्पन्न झाले.
जप्त केलेले N- 95 मास्क निकृष्ट दर्जाचे असून ते नामांकित VENUS कंपनीच्या नावाने बनावट करुन स्वत:च्या आर्थिक फायदयाकरीता जास्त दराने काळया बाजारात विकी करण्याकरीता आणले असल्याचे आढळून आले. हे निकृष्ट दर्जाचे बनावट N-95 मास्क खरे म्हणून नागरीकांनी अथवा आरोग्य विभागात काम करणाऱ्या कर्मचारी/अधिकारी यांनी वापरले तर त्यांना कोरोना रोगाची लागण होवून रोगाचा प्रसारहोण्याची दाट शक्यता आहे. तसेच सदर बनावट मास्कच्या वापरामुळे मानवी आरोग्यास धोका होण्याची शक्यता असल्याचे दिसून येते. याबाबत N-15 कंपनीच्या अधिकारी यांनी दिलेल्या फिर्यादीवरून गु.प्र.शा., गुरक.११४/२०२० कलम ४२०, ३३६ भा.दं.वि सह ५१,६३,६५ कॉपीराईट अक्ट सह कलम १०२, १०३, १०४ ट्रेड मार्क ऍक्ट (ना.म.जोशी मार्ग पो.ठाणे गुरक.२(२७६/२०२०) अन्वये गुन्हा नोंद करून आरोपीस अटक करण्यात आली आहे. अटक आरोपीस दिनांक 0३/०७/२०२० रोजी पर्यंत पोलीस कोठडी रिमांड मंजुर करण्यात आला आहे. गुन्हयाचा तपास गुन्हे शाखा, कक्ष ३ मार्फत करण्यात येत आहे. अशाप्रकारचे बनावट मास्क कोठे बनविले व कोठे आणखी विक्री केली आहे याचा तपास करण्याकरीता पथक पाठविण्यात येत आहे.
सदरची कामगिरी अपर पोलीस आयुक्त (गुन्हे) श्री. संदिप कर्णिक, पोलीस उप आयुक्त(प्रकटीकरण) श्री.अकबर पठाण, सहाय्यक पो.आयुक्त, प्रकटीकरण-मध्य श्री.राजेंद्र चिखले यांच्या मार्गदर्शनाखाली गुन्हे शाखा, कक्ष-३ चे प्रभारी पोलीस निरीक्षक अशोक खोत, पोनि नितीन पाटील, सपोनि गनानन भारती, सपोनि सोनाली भारते, पोउनि मोहसिन पठाण, पोउनि नवनाथ उघडे, सफौो.रमेश गावित, पो.ह.संजय सावंत, गणेश गोरेगांवकर, विकास जाधव, पो.ना. शिवाजी जाधव, आकाश मांगले, संजय नागवेकर, दिपक कोळी, संजय शेळके, पो.शि.राहुल अनशभुले, वैभव बिडवे , मंगेश शिंदे , भास्कर गायकवाड, प्रमोद सकपाळ, पो.शि.चालक गोडसे यांनी केली आहे.
0 टिप्पण्या