पनवेल शहर पोलीस ठाणेची धडाकेबाज कामगिरी

मौजमस्तीसाठी ऑटो रिक्षा, मोटार सायकल व घरफोडी चोरी करणा-या २ आरोपींना पनवेल शहर पोलिसांनी केली अटक

नवी मुंबई, दादासाहेब येंधे : पनवेल शहर पोलीस ठाणे हददीत ऑटो रिक्षा व मोटार सायकल चोरीचे कित्येक गुन्हे घडले होते. सदर गुन्हे उघडकीस आणण्यासाठी मा पोलीस आयुक्त श्री.संजय कुमार, मा. पोलीस सह आयुक्त श्री. राजकुमार व्हटकर, मा. पोलीस उप आयुक्त श्री. अशोक दुधे व मा. सहा. पोलीस आयुक्त, श्री रविद्र गिड्डे यांनी विशेष प्रयत्न करण्याबाबत सुचना दिल्या होत्या.

वरिष्ठांनी दिलेल्या सुचनांच्या अनुषंगाने वरिष्ठ पोलीस निरीक्षक अजयकुमार लांडगे यांचे मार्गदर्शनाखाली गुन्हे प्रकटीकरण शाखेचे पोलीस अधिकारी व कर्मचारी यांनी गुप्त बातमी व तांत्रिक तपासाद्वारे सदर वाहने चोरी करणा-या एका आरोपीला दिनांक २२/०७/२०२० रोजी पनवेल येथुन व दुस-या आरोपीला दि. २३/०७/२०२० रोजी तुर्भे एमआयडीसी पोलीस ठाण्याचे मदतीने तुर्भे येथुन अटक केली.

अटक केलेल्या आरोपींकडून एकुण १० गुन्हे उघडकीस आले आहेत. अटक केलेले आरोपी हे मौजमजेसाठी ऑटो रिक्षा व मोटार सायकल चोरुन, चालवुन गॅस/पेट्रोल संपल्यानंतर वाहने सोडुन देत असत. आरोपी यांनी तक्का पनवेल परिसरातील पानटपरीचे लॉक तोडुन चोरी केलेले सिगारेट, तंबाखु आदी पदार्थ त्यांच्याकडुन हस्तगत केले आहेत. तसेच ऑटो रिक्षा कमांक एम एच ०६ झेड ३३५३,  रुपये ४,३०,१००/- किंमतीच्या ०४ मोटारसायकल, ०४ ऑटोरिक्षा, स्क्रू ड्रायव्हर, पक्कड इत्यादी साहित्यही जप्त करण्यात आले असुन त्याबाबत पोउपनि.सुनिल तारमळे हे अधिक तपास करीत आहेत.

अशोक बाळकु उताले, वय २० वर्षे, तसेच अभिषेक प्रकाश बोराडे उर्फ अविनाश उर्फ बटक्या, वय २० वर्षे नावाच्या आरोपींना अटक करून न्यायालयात हजर केले असता त्यांना दिनांक ३०/०७/२०२० पर्यंत पोलीस कस्टडी रिमांड मिळाली आहे 

सदरची कारवाई पनवेल शहर पोलीस ठाणे गुन्हे प्रकटीकरण पथकाचे सपोनि. निलेश राजपुत, पोलीस उप निरीक्षक/सुनिल तारमळे, पोहवा/९८५ विजय आयरे, पोहवा/९३५ नितीन वाघमारे, पोना/२१४३ प्रमोद शिंदे, पोना/२१३६ पंकज पवार, पोना/२३४५ नंदकुमार माने, पोना/२४३० गणेश चौधरी, पोना/२४४७ अमरदिप वाघमारे,पोशि/३१४१ म्हाळु आव्हाड, पोशि/ ३२३९ विवेक पारासुर, पोशि/१२०२९ यादवराव घुले, पोशि/१२०४४ राजु खेडकर, पोशि/३५८३ सुनिल गर्दनमारे यांनी केली आहे.