मुंबईकरांच्या सुरक्षेसाठी १४ हजार पोलीस तैनात
मुंबई, (दादासाहेब येंधे): नववर्षाच्या स्वागतासाठी मुंबईत जोरदार तयारी सुरू आहे. प्रत्येकजण सरत्या वर्षाला निरोप देऊन नवीन वर्षाचे जल्लोषात स्वागत करण्यासाठी तयारीला लागला आहे. या पार्श्वभूमीवर मुंबई पोलीसदेखील सज्ज झाले आहेत.
नियमांचे भान ठेवून नववर्षाचे जल्लोषात स्वागत करावे असे आवाहन पोलीसांनी केले आहे. याकरिता पोलिसांचा तगडा बंदोबस्त तैनात करण्यात येणार आहे.
असा असणार बंदोबस्त...
नववर्षाचे स्वागत करीत असताना कायदा व सुव्यवस्था अबाधित राहावी याकरिता पोलिसांनी बंदोबस्ताची विशेष तयारी सुरू केली आहे. थर्टी फर्स्टला वाहतूक विभागासह ८ अपर पोलीस आयुक्त, २९ पोलीस उपायुक्त, ५६ सहाय्यक आयुक्त, दोन हजार १८४ पोलीस अधिकारी, १२ हजार ४८ अंमलदार असा पोलीस बंदोबस्त मुंबई शहरात तैनात असणार आहे. त्याचबरोबर शहरातील महत्त्वाच्या ठिकाणी एसआरपीएफ प्लाटून, क्यूआरटी पथके, बीडीडीएसची पथके,आरसीपी प्लाटून, होमगार्डदेखील बंदोबस्तावर तैनात असतील.
हे असणार रडारवर...
दारू पिऊन गाड्या चालविणारे, सार्वजनिक ठिकाणी गोंधळ घालणारे, महिलांशी गैरवर्तणूक करणारे यांच्याबरोबरच बेकायदेशीर दारूविक्री करणारे आस्थापना, अंमली पदार्थ विक्री, सेवन करणाऱ्यांवर कठोर कारवाई करण्यात येणार आहे. नियमांचे भान ठेवून नववर्षाचे जल्लोषात स्वागत करावे असे आवाहन पोलीसांनी केले आहे.
कोणत्याही टिप्पण्‍या नाहीत:
टिप्पणी पोस्ट करा