निवासी डॉक्टरांचा संप

दादा येंधे जानेवारी ०३, २०२३

मुंबई, दि.३ : निवासी डॉक्टरांनी आपल्या प्रलंबित मागण्यासाठी राज्यभरात सुरू केलेल्या बेमुदत काम बंद आंदोलनामुळे मुंबई सह राज्यभरात रूग्णसेवा विस्कळीत झाली. मुंबईतील दोन हजार डॉक्टरांसह राज्यभरातील सहा हजार डॉक्टर आंदोलनात सहभागी झाल्यामुळे ओपीडी आणि ऑपरेशनवर याचा मोठा परिणाम झाला. निम्मी ऑपरेशन पुढे ढकलावी लागली. फक्त अत्यावश्यक सेवा सुरू होती. दरम्यान आंदोलन लांबल्यास रुग्णसेवा कोलमडण्याचे भीती व्यक्त केली जात आहे.

निवासी डॉक्टरांची संघटना असलेल्या 'मार्ड'ने डॉक्टरांच्या प्रलंबित मागण्या पूर्ण कराव्यात अन्यथा काम बंद आंदोलन करण्याचा इशारा चार दिवसांपूर्वी दिला होता. यावर प्रशासनाकडून कोणतीही कारवाई करण्यात आली नसल्याने मुंबईसह राज्यभरात आंदोलन सुरू झाले. या संपाला मुंबई महापालिकेतील के.ई.एम, नायर व सायन रुग्णालयातील सुमारे दोन हजार निवासी डॉक्टरांनी पाठिंबा देत संपात सहभागी झाले आहेत. तर जे जे रुग्णालयातील ५०० डॉक्टरही सहभागी झाल्याने रुग्णसेवेवर मोठा परिणाम झाला आहे.

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.

टिप्पणी पोस्ट करा

0 टिप्पण्या

'वृत्त रिपोर्टर' जनसामान्यांच्या हितासाठी, शोषित, पीडित, वंचित समाज घटकांवर होणारा अन्याय -अत्याचार प्रकरणी वाचा फोडण्याचे काम करेल. गुन्हेगारीविषयक बातम्यांच्या माध्यमातून जनतेने सावध राहावे, सतर्क राहावे आणि योग्य तो सकारात्मक बोध घ्यावा असा मुख्य उद्देश आहे. गुन्हेगारी संपविण्यासाठी कायदा व सुव्यवस्था योग्य राखण्यासाठी वेळोवेळी पोलिसांना सहकार्य करण्याचे आवाहन आपणास या माध्यमातून करण्यात येत आहे.

हातातला मोबाईल हा संपर्कासाठी आणि मोबाईलमधील समाजमाध्यमे माहितीची देवाणघेवाण करण्यासाठी, विधायक गोष्टींसाठी असतात, हे भान हरवलेल्या रीलबहाद्दरांमुळे बऱ्याचदा बाका प्रसंग उद्भवण्याची शक्यता असते. # अनेकजण रिल्सचा वापर आपल्या वैयक्तीक स्वार्थासाठी करतात, हे प्रत्येकाने लक्षात घ्यावे. # रीलमध्ये केलेल्या प्रत्येक पोस्ट खऱ्या असतीलच अशा नाही, त्यामुळे त्याची शहानिशा केल्याशिवाय शेअर फॉरवर्ड किंवा लाईक करू नका. # काही क्षणातच या रील हजारो नागरिकांपर्यंत पोहचत असल्यामुळे अफवा पसरण्याची भीती असल्याने लाईक आणि शेअर करताना विशेष काळजी घ्यावी.

Ticker