धारावीत पोलीस व्हॅनला भीषण आग

दादा येंधे नोव्हेंबर ०१, २०२२

मुंबई, दि. १: धारावी सायन्स द्रुतगती मार्गावरील सायनच्या दिशेने जाणाऱ्या वाहिनीवर असलेल्या पिवळा बंगला परिसरात गॅरेजवर दुरुस्तीसाठी उभ्या असलेल्या पोलीस व्हॅनला भीषण आग लागल्याची धक्कादायक घटना सोमवारी दुपारी घडली. सुदैवाने यात कोणतीही जीवितहानी झाली नसली तरी पोलीस व्हॅनचे मोठ्या प्रमाणात नुकसान झाले आहे. सदर पोलीस व्हॅन केंद्रीय पोलीस दलाची असल्याची माहिती समोर आली आहे.

एम एच ४३ एच ४७४३ नंबरची स्वराज माझदा कंपनीची पोलीस व्हॅन फॅब्रिकेशनच्या कामासाठी धारावी सायन द्रुतगती मार्गावरील मुंबई फायब्रिकेशन गॅरेजवर दुरुस्तीसाठी आली होती. वेल्डरने व्हॅनच्या समोरील भागात वेल्डिंग काम सुरू केले. वेल्डिंग सुरू असताना अचानक आगीचा भडका उडाला. तात्काळ वेल्डर तसेच त्याशेजारी उभे असलेले चालकाने प्रसंगावधान राखत स्वतःचा आगीपासून बचाव केला. अग्निशमन दलाच्या जवानांनी पाण्याचा जोरदार मारा करून आग नियंत्रणात आणली. तोपर्यंत व्हॅन आगीच्या भक्षस्थानी पडली होती.

आग बातम्या स्थानिक

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.

टिप्पणी पोस्ट करा

0 टिप्पण्या

'वृत्त रिपोर्टर' जनसामान्यांच्या हितासाठी, शोषित, पीडित, वंचित समाज घटकांवर होणारा अन्याय -अत्याचार प्रकरणी वाचा फोडण्याचे काम करेल. गुन्हेगारीविषयक बातम्यांच्या माध्यमातून जनतेने सावध राहावे, सतर्क राहावे आणि योग्य तो सकारात्मक बोध घ्यावा असा मुख्य उद्देश आहे. गुन्हेगारी संपविण्यासाठी कायदा व सुव्यवस्था योग्य राखण्यासाठी वेळोवेळी पोलिसांना सहकार्य करण्याचे आवाहन आपणास या माध्यमातून करण्यात येत आहे.

हातातला मोबाईल हा संपर्कासाठी आणि मोबाईलमधील समाजमाध्यमे माहितीची देवाणघेवाण करण्यासाठी, विधायक गोष्टींसाठी असतात, हे भान हरवलेल्या रीलबहाद्दरांमुळे बऱ्याचदा बाका प्रसंग उद्भवण्याची शक्यता असते. # अनेकजण रिल्सचा वापर आपल्या वैयक्तीक स्वार्थासाठी करतात, हे प्रत्येकाने लक्षात घ्यावे. # रीलमध्ये केलेल्या प्रत्येक पोस्ट खऱ्या असतीलच अशा नाही, त्यामुळे त्याची शहानिशा केल्याशिवाय शेअर फॉरवर्ड किंवा लाईक करू नका. # काही क्षणातच या रील हजारो नागरिकांपर्यंत पोहचत असल्यामुळे अफवा पसरण्याची भीती असल्याने लाईक आणि शेअर करताना विशेष काळजी घ्यावी.

Ticker