'छत्रपती शिवाजी महाराज टर्मिनस' लगत आता महानगरपालिकेचीही 'उद्यान एक्सप्रेस' नागरिकांच्या सेवेत रुजू

माडाच्या झाडाच्या टाकाऊ खोडापासून तयार केलेली रेल्वे प्रतिकृती ठरत आहे लहानथोरांच्या आकर्षणाचा विषय

केवळ १६१ चौरस फुटांच्या छोट्या भूभागावर उद्यान विभागाने केले कल्पक सुशोभीकरण

"झुक झुक झुक झुक अगीनगाडी, धुरांच्या रेघा हवेत काढी" या ग. दि. माडगूळकर यांच्या कवितेतून आपल्या डोळ्यापुढे उभी राहणारी 'रेल्वे गाडी' हा लहानथोरांच्या आवडीचा विषय. हीच रेल्वे मुंबईसारख्या शहराची जीवनवाहिनी म्हणून देखील ओळखली जाते. मुंबईची हीच जीवनवाहिनी आता महापालिकेच्या उद्यान खात्याने देखील साकारली आहे. तीही जागतिक कीर्तीच्या 'छत्रपती शिवाजी महाराज टर्मिनस' लगत ! रेल्वे स्टेशनच्या प्लॅटफॉर्म क्रमांक एकच्या जवळ असणारे प्रवेशद्वार आणि भुयारी मार्गालगत महापालिकेचा अवघ्या १६१ चौरस फुटांचा एक छोटासा भूभाग आहे. याच छोट्या भूभागावर टाकाऊ वस्तूंपासून महापालिकेच्या उद्यान खात्याने एक रेल्वे गाडी साकारली आहे. विशेष म्हणजे लहान थोरांच्या आकर्षणाचा विषय ठरत असलेल्या या गाडीचे नाव बृहन्मुंबई महानगरपालिकेच्या उद्यान खात्याने अत्यंत कल्पकतेने 'उद्यान एक्सप्रेस' असेच दिले आहे !

मृत झालेल्या माडाच्या झाडाच्या खोडापासून ही रेल्वेची प्रतिकृती उद्यान खात्याच्या कर्मचार्‍यांनी साकारली आहे. उद्यान अधीक्षक श्री. जितेंद्र परदेशी यांच्या मार्गदर्शनात महानगरपालिकेच्या 'ए' विभाग उद्यान खात्यातील माळी श्री. रविंद्र शिंदे व श्री. संदीप कुंभार यांनी अथक मेहनत करुन ही प्रतिकृती साकारली आहे. यात आणखी एक महत्त्वाची बाब म्हणजे ही 'उद्यान एक्सप्रेस' ज्या छोट्या भूखंडावर प्रदर्शित करण्यात आली आहे, त्याच भूखंडाचे आकर्षक सुशोभीकरण देखील उद्यान खात्याने केले आहे.

या भूखंडावर करण्यात आलेल्या सुशोभीकरणाचा भाग म्हणून या ठिकाणी 'जंपिंग ग्रास' या नावाच्या गवताची आकर्षक हिरवळ काळजीपूर्वक जोपासण्यात आली आहे. त्याचबरोबर 'एक्झोरा' सारखी शोभेची झाडे देखील या ठिकाणी लावण्यात आली आहेत. तसेच महत्त्वाची बाब म्हणजे या इवल्याश्या भूखंडावर चाफ्यासह 'काॅर्डिया सबेस्टेना'नावाची दोन शोभेची झाडे देखील लावण्यात आहेत. यंदाच्या वसंत ऋतूत ही झाडे बहरलेली असल्याने सध्या अनेकदा या 'उद्यान एक्सप्रेस' भोवती फुलांचा आकर्षक सडा पडलेला दिसून येतोय ! आणि त्याच पाठोपाठ या 'उद्यान एक्सप्रेस' ला आपल्या 'मोबाईल' मध्ये टिपण्याची किंवा तिच्या सोबत सेल्फी घेण्याची नागरिकांची लगबग देखील दिसून येतेय !

(जसंवि/ ६१५)

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.

टिप्पणी पोस्ट करा

0 टिप्पण्या

'वृत्त रिपोर्टर' जनसामान्यांच्या हितासाठी, शोषित, पीडित, वंचित समाज घटकांवर होणारा अन्याय -अत्याचार प्रकरणी वाचा फोडण्याचे काम करेल. गुन्हेगारीविषयक बातम्यांच्या माध्यमातून जनतेने सावध राहावे, सतर्क राहावे आणि योग्य तो सकारात्मक बोध घ्यावा असा मुख्य उद्देश आहे. गुन्हेगारी संपविण्यासाठी कायदा व सुव्यवस्था योग्य राखण्यासाठी वेळोवेळी पोलिसांना सहकार्य करण्याचे आवाहन आपणास या माध्यमातून करण्यात येत आहे.

हातातला मोबाईल हा संपर्कासाठी आणि मोबाईलमधील समाजमाध्यमे माहितीची देवाणघेवाण करण्यासाठी, विधायक गोष्टींसाठी असतात, हे भान हरवलेल्या रीलबहाद्दरांमुळे बऱ्याचदा बाका प्रसंग उद्भवण्याची शक्यता असते. # अनेकजण रिल्सचा वापर आपल्या वैयक्तीक स्वार्थासाठी करतात, हे प्रत्येकाने लक्षात घ्यावे. # रीलमध्ये केलेल्या प्रत्येक पोस्ट खऱ्या असतीलच अशा नाही, त्यामुळे त्याची शहानिशा केल्याशिवाय शेअर फॉरवर्ड किंवा लाईक करू नका. # काही क्षणातच या रील हजारो नागरिकांपर्यंत पोहचत असल्यामुळे अफवा पसरण्याची भीती असल्याने लाईक आणि शेअर करताना विशेष काळजी घ्यावी.

Ticker