पोलिसांनी हिसका दाखविताच बोबडी वळली
मुंबई, दादासाहेब येंधे : सध्या सोशल मीडियावर एक व्हिडिओ मोठ्या प्रमाणात व्हायरल होताना दिसून येत आहे. ज्यामध्ये एक तरुण गाडीच्या बॉनेटवर बसून जीवघेणा स्टंट करताना दिसत आहे. हा धक्कादायक प्रकार बांद्रा वरळी सी लिंकवर घडला आहे.
दरम्यान रस्त्यावरून जाणाऱ्या एका व्यक्तीने आपल्या मोबाईल मध्ये हा संपूर्ण प्रकार शूट केला आहे. हा व्हिडिओ व्हायरल झाल्यानंतर मुंबई पोलिसांनी धावत्या कारच्या बॉनेटवर बसून स्टंट करणाऱ्या तरुणाला चांगलीच अद्दल घडवली आहे. याप्रकरणी पोलिसांनी दोघांना अटक केली आहे. इमरान जाहीर आलम अन्सारी (वय, २७) आणि गुलफाम सबीर अन्सारी (वय, २५) अशी अटक केलेल्या दोन आरोपींची नावे आहेत.
कारच्या नंबर प्लेटचा तपास करत पोलिसांनी मंगळवारी दोघांना अटक केली आहे. पोलिसांकडून मिळालेल्या माहितीनुसार दोन आरोपी सोमवारी रात्री आपल्या गाडीसह वरळी सी लिंकवर गेले होते. या ठिकाणी एक आरोपी गाडीच्या बोनेटवर बसला होता, तर दुसरा गाडी भरधाव वेगात चालवत होता.
व्हिडीओ पहा...👇
कोणत्याही टिप्पण्‍या नाहीत:
टिप्पणी पोस्ट करा