एम/पूर्व आणि एम/पश्चिम विभागातील काही परिसरांमध्ये पाणीपुरवठा १८ तासांसाठी बंद

दादा येंधे जानेवारी २६, २०२२

गुरुवार,२७ जानेवारी २०२२ रोजी सकाळी १० ते शुक्रवार, २८ जानेवारी २०२२ रोजी पहाटे ४ वाजेपर्यंत

बृहन्‍मुंबई महानगरपालिकेतर्फे ट्रॉम्बे उच्चस्तरीय जलाशयातील इनलेट्स व्हॉल्व्ह बदलण्याचे काम गुरुवार, दिनांक २७ जानेवारी २०२२ रोजी सकाळी १० वाजेपासून शुक्रवार, दिनांक २८ जानेवारी २०२२ रोजी पहाटे ४ वाजेपर्यंत हाती घेण्यात येणार आहे.

त्यामुळे या कालावधीत म्हणजे गुरुवार, दिनांक २७ जानेवारी २०२२ रोजी सकाळी १० वाजेपासून शुक्रवार, दिनांक २८ जानेवारी २०२२ रोजी पहाटे ४ वाजेपर्यंत एम/पूर्व आणि एम/पश्चिम या विभागांमधील खालील नमूद परिसरात १८ तासांसाठी पाणीपुरवठा पूर्णपणे बंद राहणार आहे. त्याचा सविस्तर तपशील पुढीलप्रमाणे आहे.

१) एम/पूर्व विभागः प्रभाग क्रमांक १४० - टाटानगर, गोवंडी स्थानक मार्ग; प्रभाग क्रमांक १४१ - देवनार महानगरपालिका वसाहत, लल्लूभाई कंपाऊंड; प्रभाग क्रमांक १४२ - लल्लूभाई कंपाऊंड, हिरानंदानी इमारत; प्रभाग क्रमांक १४३ - जॉन्सन जेकब मार्ग (ए, बी, आय, एफ सेक्टर), एसपीपीएल इमारती, म्हाडा इमारती, महाराष्ट्र नगर; प्रभाग क्रमांक १४४ - देवनार गाव रस्ता, गोवंडी गांव, व्ही. एन. पूरव मार्ग, बीकेएसडी मार्ग, दूरसंचार कारखाना परिसर, मंडाला गांव, मानखुर्द नौदल, संरक्षण क्षेत्र, मानखुर्द गांव, गोवंडी स्थानक मार्ग, टि. आय. एफ. आर. वसाहत; प्रभाग क्रमांक १४५ - सी-सेक्टर, डी-सेक्टर, ई-सेक्टर, जी-सेक्टर, एच-सेक्टर, जे-सेक्टर, के-सेक्टर, कोळीवाडा ट्रॉम्बे, कस्टम मार्ग, दत्त नगर, बालाजी मंदीर मार्ग, पायलीपाडा, चिता कॅम्प ट्रॉम्बे; प्रभाग क्रमांक १४६ - देवनार फार्म मार्ग, बोरबादेवी नगर, बी. ए. आर. सी. (BARC) फॅक्टरी, बी. ए. आर. सी. (BARC) वसाहत - (दिनांक २७ जानेवारी २०२२ रोजी सकाळी १० ते दिनांक २८ जानेवारी २०२२ रोजी पहाटे ४ वाजेपर्यंत १८ तासांसाठी पाणीपुरवठा पूर्णतः बंद)

२) एम/पश्चिम विभागः प्रभाग क्रमांक १५१ – साईबाबा नगर आणि श्रमजीवी नगर; प्रभाग क्रमांक १५२ - सुभाष नगर, चेंबूर गावठाण, स्वस्तीक पार्क, सिद्धार्थ वसाहत, सुमन नगर; प्रभाग क्रमांक १५३ - घाटला अमर नगर, मोती बाग खारदेव नगर, वैभव नगर, मैत्री पार्क, अतूर पार्क; प्रभाग क्रमांक १५४ - चेंबूर कॅम्प, युनियन पार्क लाल वाडी; प्रभाग क्रमांक १५५ - लाल डोंगर (दिनांक २७ जानेवारी २०२२ रोजी सकाळी १० ते दिनांक २८ जानेवारी २०२२ रोजी पहाटे ४ वाजेपर्यंत १८ तासांसाठी पाणीपुरवठा पूर्णतः बंद)

सर्व संबंधीत विभागातील नागरिकांना आवाहन करण्यात येते की, उपरोक्त नमूद कालावधीतील पाणीकपातीपूर्वी अगोदरच्या दिवशी खबरदारीचा उपाय म्हणून पाण्याचा आवश्यक साठा करुन ठेवावा. तसेच, कपातीच्या कालावधीत काटकसरीने पाणी वापरुन सहकार्य करावे, अशी विनंती बृहन्मुंबई महानगरपालिका प्रशासनाच्या वतीने करण्यात येत आहे.

(जसंवि/५३३)

पाणी कपात मुंबई महानगरपालिका

द्वारा पोस्ट केलेले दादा येंधे

मराठी भाषेवर माझं, तुमचं आणि आपलं सर्वांचच प्रेम आहे. पण, आपण आपली मराठी भाषा अधिक समृद्ध आणि वृद्धिंगत होण्यासाठी काय करतो? मराठीच्या अनास्थेविषयी आपण प्रत्येकजण अगदी पोटतिडकीने, अधिकाराने बोलतो. पण, तीच मराठी तळागाळात रुजविण्यासाठी आपण काही प्रयत्न करतो का...? याचा ज्याचा त्यानेच विचार करायला हवा. मराठी अधिकाधिक लोकांपर्यंत पोहोचावी, मराठी भाषा वाचली जावी, बोलली जावी यासाठी मी डिजिटल माध्यमातून मराठी प्रत्येकापर्यंत विविध विषयांवर लिहून पोहोचविण्याचा प्रयत्न करत आहे. " वाचाल तर वाचाल" ही म्हण आजच्या घडीला किती समर्पक आहे, हे आपण जाणतो; पण आजच्या युगातील मोबाईल वेडया तरुणांना वाचनाचे वेड असायला हवे, तरच वाचन संस्कृतीत वाढ होईल, माझ्या मराठी भाषेची समृद्धी होईल आणि पर्यायाने त्याचा उपयोग उत्तम युवापिढी घडवण्यासाठी होईल. तरुण पिढीला याचं महत्त्व कळण्यासाठी डिजिटल स्वरूपातील हा लेखनप्रपंच.

टिप्पणी पोस्ट करा

0 टिप्पण्या

'वृत्त रिपोर्टर' जनसामान्यांच्या हितासाठी, शोषित, पीडित, वंचित समाज घटकांवर होणारा अन्याय -अत्याचार प्रकरणी वाचा फोडण्याचे काम करेल. गुन्हेगारीविषयक बातम्यांच्या माध्यमातून जनतेने सावध राहावे, सतर्क राहावे आणि योग्य तो सकारात्मक बोध घ्यावा असा मुख्य उद्देश आहे. गुन्हेगारी संपविण्यासाठी कायदा व सुव्यवस्था योग्य राखण्यासाठी वेळोवेळी पोलिसांना सहकार्य करण्याचे आवाहन आपणास या माध्यमातून करण्यात येत आहे.

हातातला मोबाईल हा संपर्कासाठी आणि मोबाईलमधील समाजमाध्यमे माहितीची देवाणघेवाण करण्यासाठी, विधायक गोष्टींसाठी असतात, हे भान हरवलेल्या रीलबहाद्दरांमुळे बऱ्याचदा बाका प्रसंग उद्भवण्याची शक्यता असते. # अनेकजण रिल्सचा वापर आपल्या वैयक्तीक स्वार्थासाठी करतात, हे प्रत्येकाने लक्षात घ्यावे. # रीलमध्ये केलेल्या प्रत्येक पोस्ट खऱ्या असतीलच अशा नाही, त्यामुळे त्याची शहानिशा केल्याशिवाय शेअर फॉरवर्ड किंवा लाईक करू नका. # काही क्षणातच या रील हजारो नागरिकांपर्यंत पोहचत असल्यामुळे अफवा पसरण्याची भीती असल्याने लाईक आणि शेअर करताना विशेष काळजी घ्यावी.

Ticker