मोबाईल चोरास मोठ्या शिताफीने अटक
मुंबई, दादासाहेब येंधे : जबरी चोरीसारख्या गंभीर गुन्ह्यांना प्रतिबंध करण्याकरिता पोलिस आयुक्त यांच्या आदेशानुसार तसेच मा. पो.उपआयूक्त, मध्य परीमंडळ व मा. स.पो.आ. सीएसएमटी विभाग यांचे सुचनेनुसार, व.पो.नि.भगत यांच्या मार्गदर्शनाखाली भायखळा रेल्वे स्थानक येथे पो.शी/१३२० हे कर्तव्य करीत असता पहाटे ०२.०५ वा. चे सुमारास भायखळा रेल्वे स्थानक येथील प्लॅटफॉर्म नंबर १ वर श्री. जोसेफ जे डैनिएल हे लोकलची वाट पहात बसले असता त्यांच्या हातातील मोबाइल फोन आरोपी इजहार अताऊल्लाह रहमान शेख सलमान, वय वर्षे २४ याने जबरदस्तीने हिसकावून पळून नेला.
हे लक्षात येताच सदर स्थानकावर गस्तीस असलेले अंमलदार पो.शी /१३२० चव्हाण व आर.पी.एफ. हेड कॉन्स्टेबल मांडवकर यानी रेल्वे रुळांवर उडी मारुन समय सूचकता दाखवुन त्याचा पाठलाग करुन त्यास पळून जाण्यास वाव न देता मुद्देमालासह रांगेहाथ ताब्यात घेउन उल्लेखनीय कामगिरी केली आहे.
२१७/२०२१ कलम ३९२ भादवी प्रमाणे गुन्हा रजिस्टर करण्यात आला आहे. तसेच आरोपीकडून १५,०००/- रु. किमतीचा सॅमसंग कंपनीचा मोबाईल फोन जप्त करण्यात आला आहे. पुढील तपास ए.सी.शेख, सहाय्यक पोलीस निरीक्षक हे करीत आहेत. अशी माहिती सीएसएमटी लोहमार्ग पोलीस ठाणेचे वरिष्ठ पोलीस निरीक्षक प्रविण भगत यांनी दिली आहे.
फोटो : व्हायरल
प्रेस नोट
0 टिप्पण्या