रहिवाशांना मूलभूत नागरी सेवा उपलब्ध करून देणार

मागाठाणे : वनजमिनींवरील पाड्यांमध्ये राहणाऱ्या रहिवाशांना मूलभूत नागरी सेवा उपलब्ध करून देणार

- राज्यमंत्री दत्तात्रय भरणे

 

            मुंबई  मागाठाणे विधानसभा क्षेत्रातील वनजमिनीवरील पाड्यांमध्ये राहणाऱ्या रहिवाशांना मूलभूत सुविधा उपलब्ध करून देणार असल्याची माहिती  वन राज्यमंत्री दत्ता भरणे यांनी विधानपरिषदेत दिली. यासंदर्भात विरोधी पक्षनेते प्रवीण दरेकर यांनी प्रश्नोत्तराच्या तासात विचारलेल्या प्रश्नाला उत्तर देताना श्री.भरणे बोलत होते.

            उच्च न्यायालयाने दिलेल्या आदेशानुसार संजय गांधी राष्ट्रीय उद्यानाच्या वनजमिनीवरील अतिक्रमणास नव्याने नागरी सुविधा पुरविण्यास परवानगी देता येत नाही. तथापि नागरी सुविधांच्या फक्त दुरुस्ती करता परवानगी देण्यात येते. यासंदर्भात नगर विकास, गृहनिर्माण विभागाचे मंत्री व विरोधी पक्ष नेते यांची संयुक्त बैठक आयोजित करण्यात आली असून त्यामध्ये याबाबत निर्णय घेण्यात येईल अशी माहितीही राज्यमंत्री श्री. भरणे यांनी दिली.