मुंबई काँग्रेसतर्फे संपूर्ण मुंबईत 'भव्य रक्तदान शिबिराचे' आयोजन

कोविडच्या संकटात रुग्णांवरील उपचारांदरम्यान होणाऱ्या रक्ताच्या तुटवड्यावर मात करण्यासाठी मुंबई काँग्रेसतर्फे संपूर्ण मुंबईत 'भव्य रक्तदान शिबिराचे' आयोजन 

आज बुधवार, 14 एप्रिल 2021 रोजी

 बोरिवली पश्चिमेला भव्य रक्तदान शिबिर

संपूर्ण महाराष्ट्रावर व संपूर्ण भारतामध्ये आज कोविड महामारीचे संकट आलेले आहे. या महामारीमध्ये रुग्णांवर होणाऱ्या उपचारांदरम्यान होणाऱ्या रक्ताच्या तुटवड्यावर मार्ग काढण्यासाठी मुंबई काँग्रेसचे अध्यक्ष भाई जगताप व कार्याध्यक्ष चरणसिंग सप्रा यांच्या नेतृत्वाखाली संपूर्ण मुंबईत मुंबई काँग्रेसतर्फे १२ एप्रिल ते ३० एप्रिल या कालावधीत संपूर्ण मुंबईमध्ये भव्य रक्तदान शिबिराचे आयोजन करण्यात आलेले आहे. त्याचाच एक भाग म्हणून मुंबई काँग्रेसचे खजिनदार भूषण पाटील यांच्या पुढाकाराने आज बुधवार, १४ एप्रिल २०२१ रोजी उत्तर मुंबई जिल्हा काँग्रेसतर्फे मुंबईतील बोरिवली पश्चिम येथील, मेघा पार्टी हॉल, शिंपोली येथे सकाळी १०.०० ते दुपारी २.०० या वेळेत भव्य रक्तदान शिबिराचे आयोजन करण्यात आलेले आहे. 

या बद्दल अधिक माहिती देताना मुंबई काँग्रेसचे अध्यक्ष भाई जगताप म्हणाले की, आज कोरोना महामारीमुळे संपूर्ण राज्यात रक्ताचा मोठा तुटवडा निर्माण झालेला आहे. यावर उपाय म्हणून मुंबई काँग्रेसतर्फे १२ एप्रिल ते ३० एप्रिल या कालावधीत मुंबईतील ३६ विधानसभा क्षेत्रांमध्ये भव्य रक्तदान शिबीर आयोजित करण्यात येणार आहे. या रक्तदान शिबिरांच्या माध्यमातून संपूर्ण मुंबईतून १० हजार बॉटल्स रक्त संकलित करण्याचा निर्णय मुंबई काँग्रेसने घेतलेला आहे. आज बुधवार, १४ एप्रिल २०२१ रोजी, सकाळी १० ते दुपारी २ यावेळेत भारतरत्न परमपूज्य डॉ. बाबासाहेब आंबेडकर यांच्या जयंतीचे औचित्य साधून उत्तर मुंबई जिल्हा काँग्रेसतर्फे बोरिवली पश्चिम येथे 'भव्य रक्तदान शिबिराचे' आयोजन करण्यात आले आहे. काल १२ एप्रिल रोजी मालाड येथील मालवणी आणि गोवंडी विभागामध्ये रक्तदान शिबीर आयोजित करण्यात आले होते. उद्या बोरिवली पश्चिम येथे तशाच प्रकारचे 'भव्य रक्तदान शिबीर' आयोजित करण्यात आलेले आहे. मुंबईतील सर्व नागरिकांना व काँग्रेसच्या कार्यकर्त्यांना मी आवाहन करतो की सर्वानी या सर्व रक्तदान शिबिरात उत्स्फूर्तपणे सहभागी व्हावे. 

उत्तर मुंबईतील बोरिवली येथील रक्तदान शिबिरात मुंबई काँग्रेसचे खजिनदार भूषण पाटील, सरचिटणीस संदेश कोंडविलकर, उत्तर मुंबई जिल्हाध्यक्ष कालू बुधेलिया, मुंबई काँग्रेस सचिव मनोज नायर, उत्तर मुंबई महिला अध्यक्ष प्रगती राणे, बोरिवली युवक काँग्रेस अध्यक्ष वरूण पाटील सहभागी होणार आहेत.