महाराष्ट्र राज्यात कोरोनाचा वाढता प्रादुर्भाव पाहता महसूल व वन विभाग, आपत्ती व्यवस्थापन, मदत व पुनर्वसन, मंत्रालय, मुंबई यांच्याकडून दिनांक १३/४/२०२१ रोजी 'ब्रेक द चेन' या आदेशान्वये कडक निवंध लागु करण्यात आले आहेत. सदर परिपत्रकान्वये संपूर्ण महाराष्ट्रात जमाववंदी व संचारवंदी असून कोणत्याही सामाजिक, धार्मिक, राजकीय किंवा सांस्कृतिक कार्यक्रमासाठी एकत्र येण्यास मज्जाव करण्यात आलेला आहे. सदर आदेशामध्ये दि. २९/४/२०२१ रोजीच्या आदेशान्वये काही सुधारणा करण्यात आल्या आहेत. यावर्षी दि. १३/४/२०२१ पासून मुस्लीम धर्मियांच्या पवित्र रमजान महिन्याचा प्रारंभ झाला असून दि. १३ किंवा १४/५/२०२१ (चंद्रदर्शानावर अवलंवून) रोजी रमजान ईद (इद उल फित्र) साजरी केली जाणार आहे. सध्या कोविड- १९ च्या दुसर्या लाटेमुळे उद्भवलेली अतिसंसर्गजन्य परिस्थिती व वाढत्या कोरोना रुग्णसंख्येचा विचार करता शासनाच्या दि. १३ एप्रिल, २०२१ च्या आदेशामधील मुद्दा क्र. १, २, ७ व १० मध्ये नमूद तरतुदींच्या अधिन राहून विशेष खवरदारी घेत रमजान ईद साजरी करणे आवश्यक आहे.
त्यास अनुसरून रमजान ईदच्या निमित्ताने खालीलप्रमाणे मार्गदर्शक सूचना देण्यात येत
आहेत.:-
१. कोरोना विषाणूचा संसर्ग टाळण्यासाठी पवित्र रमजान ईद करीता मुस्लिम वांधवांनी नियमित नमाज पठण, तरावीह तसेच इफ्तारसाठी मशिदीमध्ये अथवा सार्वजनिक ठिकाणी एकत्र न येता सर्व धार्मिक कार्यक्रम आपआपल्या घरातच साजरे करुन 'ब्रेक द चेन' आदेशाचे काटेकोर पालन करणे उचित ठरेल.
२. नमाज पठणाकरीता मशिदीत तसेच मोकळ्या जागेत एकत्र येऊ नये.
३. रमजान ईद निमित्ताने वृहन्मुंबई महानगरपालिकेने तसेच स्थानिक प्रश्ञासनाने सामान खरेदीसाठी वेळेचे वंधन घालून दिले असून त्याचे तंतोतंत पालन करण्यात यावे. त्या वेळेव्यतिरिक्त बाजारामध्ये सामान खरेदीकरिता गर्दी करु नये किंवा एकत्र जमू नये.
४. कोवीड-१९ या विषाणूच्या वाढत्या संसर्गास प्रतिवंध करण्याच्या अनुषंगाने राज्यात फौ.दं.प्र.सं.कलम १४४ लागू असल्याने तसेच रात्रीची संचारवंदी असल्यामुळे संचारवंदीच्या कालावधीत फेरीवाल्यांनी रस्त्यावर स्टॉल लावू नयेत तसेच नागरिकांनी विनाकारण रस्त्यावर फिरू नये.
५. रमजान ईद निमित्ताने कोणत्याही प्रकारे मिरवणुका, धार्मिक, सामाजिक, सांस्कृतीक अथवा राजकीय कार्यक्रमांचे आयोजन करण्यात येऊ नये.
६. धार्मिक स्थळे वंद असल्याने मुस्लीम समाजातील धर्मगुरु, सामाजिक कार्यकर्ते, राजकीय नेते आणि स्वयंसेवी संस्थांनी पवित्र रमजान ईद साधेपणाने साजरी करण्याच्या अनुषंगाने जनजागृती करावी.
७. रमजान ईदच्या दिवशी सोडल डिस्टन्सिंगच्या नियमांचे काटेकोरपणे पालन करणे तसेच मास्क व सॅनिटायझरचा वापर करण्यावावत काळजी घेणे अत्यंत आवश्यक आहे.
८. कोवीड-१९ च्या विषाणूचा प्रादुर्भाव रोखण्यासाठी शासनाच्या मदत व पुनर्वसन, आरोग्य, पर्यावरण, वैद्यकीय शिक्षण विभाग तसेच संवंधित महापालिका, पोलीस, स्थानिक प्रशासन यांनी विहीत केलेल्या नियमांचे अनुपालन करणे वंधनकारक राहील. तसेच या परिपत्रकानंतर व प्रत्यक्ष रमजान ईदच्या मधल्या कालावधीत अजून काही सूचना प्रसिध्द झाल्यास त्यांचेदेखील अनुपालन करावे.
सदर शासन परिपत्रक महाराष्ट्र शासनाच्या www.maharashtragov.in या संकेतस्थळावरही उपलब्ध करण्यात आले असून त्याचा सांकेतांक २०२१०५१११३४८५२४७२९ असा आहे. हे परिपत्रक डिजिटल स्वाक्षरीने साक्षांकित करून काढण्यात आले आहे.
क्रमांक- आरएलपी- ०५२१/प्र.क्र.१२०/विज्ा- १ व दिनांक-११ मे, २०२१.
परिपत्रक
रमजान ईद- २०२१ मार्गदर्शक सूचना
0 टिप्पण्या