Vruttareporter वृत्त रिपोर्टर

संजय गांधी उद्यानात वाघाला बघण्यासाठी गर्दी

मुंबई, दादासाहेब येंधे  :  चंद्रपूर जिल्ह्यातील राजुरा वनक्षेत्रात बंदिस्त करण्यात आलेल्या आणि त्यानंतर गोरेवाडा येथे ठेवण्यात आलेल्या आरटी -१ या सात वर्षे वयाच्या नर वाघाला शनिवारी सकाळी संजय गांधी राष्ट्रीय उद्यानात आणण्यात आले.  या वाघाने तीन दिवस प्रवास केला. त्याची प्रकृती उत्तम असून सध्या त्याला विलगीकरणात ठेवले आहे. त्यानंतर त्याचे पुढील व्यवस्थापन करण्यात येईल येईल. या वाघाला बघण्यासाठी मुंबईकरांनी रविवारी मोठया प्रमाणात गर्दी केली होती.